SAN MATEO 9:37 - Nuevo Testamento en Quichua Cañar 1996

³⁷ Chaimantami Jesusca paipac yachacuccunataca: —Granota tandanaca achcamari. Tandaccunaca ashallacunami.

Dios Rimashcata Quillcashcami

³⁷ Chaimantami paipac yachacuccunataca: —Granota tandanaca achcami. Tandaccunaca ashallami.

SAN MATEO 9:37 ပူးပေါင်းရင်းမြစ်များ

SAN MATEO 20:1

Jahua pacha Taita Dios mandacucca, shuc chagrayuc amo paipac uvas chagrata pallachingapac, tutamanta utca gentecunata mashcangapac llucshic shinami.

SAN MATEO 28:19

Chaimanta tucui cai pachapi causaccunapacman rishpa, ñuca yachacuccuna tucuchun yachachigrichic. Paicunataca Taita Diospac, paipac Churipac, Diospac Espiritupac shutipi bautizanguichic.

SAN MATEO 9:38

Chashna cashcamanta ashtahuan tandaccunata cachachun, Chagrayucman mañaichic— nirca.

MARCOS 16:15

Shinallatac caitapish paicunataca nircami: —Cancunaca tucui llactacunata rishpa, quishpirinamanta alli huillaita tucui gentecunaman huillagrichic.

SAN LUCAS 10:2

Paicunataca: “Grano tandanaca achcami. Tandaccunaca ashallacunami. Chashna cashcamanta ashtahuan tandaccunata cachachun, Chagrayucman mañaichic.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

HECHOS 16:9

Chai tutami Macedonia llacta shuc runa muscuipi shina ricurishpa: “Cai Macedonia llactapi ñucanchicta yachachic shamuiyari” nishpa shayacucta, Pabloca ricurca.

HECHOS 18:10

Ñucaca canhuanmi cani. Chaimanta pi cantaca imata mana ruhuangachu. Cai pueblopica achcacunami ñucataca crincuna” nirca.

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai c'uyashpa, cancunaman allicunata cushcataca ama yangalla cashcata yuyanguichicchu nishpa rimanchic.

COLOSENSES 4:11

Shinallatac Justo nishca Jesuspish “allilla cashca cachun” nishpami cachan. Israelcunapuramanta*f** criccunaca paicunallami, Taita Dios mandacucmanta ñucahuan pacta imatapish ruhuashpa, cushichiccunaca can.

1 TIMOTEO 5:17

Tandanacushca criccunata allita pushaccunaca, tucuimanta yallitami japina can. Ashtahuancarin alli huillaita huillashpapish, yachachishpapish puriccunami yallita japina can.

SANTIAGO 5:4

Cancunapac allpapi granota tandashcamanta, tandaccuna japina cashcataca mana cushcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Taita Diosca uyashcami.