SAN MATEO 9:26 - Nuevo Testamento en Quichua Cañar 1996

²⁶ Jesús chashna ruhuashcaca, tucui chai llactacunapimi yacharirca.

Dios Rimashcata Quillcashcami

²⁶ Jesús chashna ruhuashcaca, tucui chai llactacunapimi yacharirca.

SAN MATEO 9:26 ပူးပေါင်းရင်းမြစ်များ

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

SAN MATEO 9:31

Chashna nishca jahuapish, paicuna chaimanta rishpaca, tucui chai llactacunapimi Jesús ima ruhuashcataca parlarcacuna.

MARCOS 1:28

Jesús chashna ruhuashcataca, Galilea llacta muyundicpi tucui causaccunaca manarac mashnapimi yachac chayarcacuna.

MARCOS 1:45

Ashtahuanpish chai runaca, ima shina alliyashcataca tucui gentecunamanmi parlarca. Chaimantami Jesusca mai pueblomanpish gentecuna ricucucpica mana yaicui pudishpa, maipi mana gente tiyaillapi puricurca. Jesús chaipi cacpipish, maimanta cashpapish paipacmanca shamurcacunallami.

MARCOS 6:14

Jesús imata ruhuashpa puricuctaca, tucui gentecunami maipipish parlanacurcacuna. Shina parlanacucta llactata mandac Herodes uyashpami: —Bautizac Juanmi huañushcacunapuramanta causarimushca canga. Shina cashpami, paica pi mana ruhuaipaccunata ruhuacunga— nirca.

SAN LUCAS 4:14

Jesusca Diospac Espirituhuan cashpami, Galilea llactamanca imatapish ruhuaipaclla cutirca. Paimantaca tucui chai llactapi causaccunami parlanacurcacuna.

SAN LUCAS 4:37

Jesús chashna ruhuashcataca, tucui chai llacta muyundicpi causaccunami parlanacushpa, caishuc chaishuc yachanacurcacuna.

SAN LUCAS 5:15

Ashtahuanpish ungushcacunata Jesús alliyachishcaca, tucui llactacunapimi punzhanta ashtahuan uyarishpa c'atirca. Chaimantami uyangapacpish, shinallatac ungushcacunata jambichingapacpish achcacuna Jesuspacmanca shamurcacuna.

SAN LUCAS 7:17

Jesús chashna ruhuashcataca Judea llactapi causaccunapish, tucui muyundic llactacunapi causaccunapish tucui mashnami yachac chayarcacuna.

HECHOS 26:26

Caicunaca mana pacallapichu chashna tucushca, ashtahuanpish caipi tiyacuc mandac Agripapish, chai tucui ima tucushcataca allimi yachan. Chashna cacpimi, ñucaca paipac ñaupapi imata mana manchashpa huillacuni.