SAN MATEO 9:17 - Nuevo Testamento en Quichua Cañar 1996

¹⁷ Chai shinallatac pipish cunanlla ruhuashca vinotaca, caramanta ruhuashca mauca capachucunapica mana churanchu. Chashna churacpica, capachuca lliquiringami. Chashna lliquiricpica, vinopish, capachupish tucuringami. Chaimantami cunanlla ruhuashca vinotaca, mushuc capachucunapi churana. Chashna ishcaitac mushuc cashpaca, imapish mana tucungachu— nirca.

Dios Rimashcata Quillcashcami

¹⁷ Chai shinallatac pipish cunanlla ruhuashca vinotaca, mauca capachupica mana churanchu. Chashna churacpica, capachuca lliquiringami. Chashna lliquiricpica, vinopish, capachupish tucuringami. Chaimantami cunanlla ruhuashca vinotaca, mushuc capachupi churana. Chashna ishcaitac mushuc cashpaca, imapish mana tucungachu— nirca.

SAN MATEO 9:17 ပူးပေါင်းရင်းမြစ်များ

SAN MATEO 9:16

Pipish mauca churanataca, mushuc pañuhuanca mana remendanchu. Chashna ruhuacpica, mushuc pañuca uchillayashpa, mauca churanataca ashtahuanmi lliquinman.

SAN MATEO 9:18

Jesús chashna nicucpiracmi, israelcunata*f** shuc mandac chayashpa, paipac ñaupapi cungurishpaca: —Ñuca ushimi ñacalla huañun. Shina huañushca cacpipish, can rishpa paipac uma jahuapi maquita churacpica, causaringallami— nirca.

MARCOS 2:22

Shinallatac cunanlla ruhuashca vinotapish, caramanta ruhuashca mauca capachupica pi mana churanchu. Chashna churacpica, cunanlla ruhuashca vino mauca capachuta tucyachicpica, vinopish, capachupish tucuringami. Chaimantami cunanlla ruhuashca vinotaca, mushuc capachupi churana— nirca.

SAN LUCAS 5:37

Shinallatac cunanlla ruhuashca vinotapish caramanta ruhuashca mauca capachucunapica, pi mana churanchu. Chashna churacpica, cunanlla ruhuashca vinoca mauca capachucunata tucyachinmanllami. Chashna tucyachicpica, vinopish, capachucunapish yangamantami canman.

SAN LUCAS 5:38

Chaimantami vinopish, capachupish ama ima tucuchun, cunanlla ruhuashca vinotaca mushuc capachucunallapitac churana.