SAN MATEO 7:7 - Nuevo Testamento en Quichua Cañar 1996

⁷ Taita Diosman mañaichic, paica cungami. Mashcaichic, taringuichicmi. Huasiyuc nichic, paica pascangami.

Dios Rimashcata Quillcashcami

⁷ Diosta mañaichic, paica cungami. Mashcaichic, taringuichicmi. Huasiyuc nichic, paica pascangami.

SAN MATEO 7:7 ပူးပေါင်းရင်းမြစ်များ

SAN MATEO 18:19

Caitapish ninimi: Maijan cancunamanta ishcai tucushpa, shuc yuyailla Taita Diosman cai pachapi imata ruhuachun mañacpica, jahua pachapi cac ñuca Taitaca ruhuangallami.

SAN MATEO 21:22

Taita Dios ima mañashcatapish cuc cashcata crishpa mañashpaca, japinguichicmi— nirca.

SAN MATEO 6:33

Cancunaca tucuimanta yallica, Taita Dios munashcata ruhuashpa, pai mandacucpi causanata yuyaichic. Shinashpaca, cancunapac ima illashcatapish chasquinguichicllami.

SAN MATEO 7:11

Cancuna millaicuna cashpapish, cancunapac huahuacuna imata mañacpica, allicunatami cunguichic. Ashtahuanpish jahua pachapi tiyac cancunapac Taita Dioscarin, maijanpish mañaccunamanca allicunatami cunga.

SAN MATEO 7:8

Chashna maijanpish mañacca japinmi. Maijanpish mashcacca tarinmi. Shinallatac maijanpish huasiyuc nictaca yaicuchinmi.

MARCOS 11:24

Chaimanta cancunaman huillanimi: Cancuna imata Taita Diosman mañashpapish, ña japishca shinata crishpa mañashpaca japinguichicmi.

SAN LUCAS 13:25

Huasiyuc jatarishpa, punguta huichcashca q'uipaca, cancuna canzhapi saquirishpaca, yaicushun nishpami: ‘Huasiyuc, amito, punguta pascai’ nicunguichic. Chashna nicpi huasiyucca: ‘Pichari canguichic, mana ricsinichu’ ningami.

SAN LUCAS 18:1

Taita Diosman mana q'uillacushpa mañacunalla cashcamantami, Jesusca yuyaita japichun chimbapurashpa, cashna parlarca:

SAN JUAN 15:16

Cancunallatacca ñucataca mana acllarcanguichicchu, ashtahuanpish ñucami cancunataca acllarcani. Cancuna rishpaca, alli granota p'ucuc yura shina causaita ricuchichunpish, chai p'ucushcacuna ama chingarichunpish minganimi. Shina ruhuashpa, cancuna ñuca shutipi imata mañacpica, ñuca Taitaca cungallami.

SAN JUAN 15:7

Cancuna ñucahuan cashpa, shinallatac ñuca yachachishcacunata cazushpa c'atirashpaca, imatapish mañaichiclla, ñuca Taitaca cungallami.

SAN JUAN 4:10

Shina nicpi Jesusca: —Canca Taita Dios imata cusha nicushcatapish, shinallatac pi yacuta mañacushcatapish mana yachanguichu. Yachashpacarin, canracmi ñucaman ‘yacuta carai’ nishpa mañanguiman. Chashna mañacpica, causaita cuc yacutami cuiman— nirca.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

ROMANOS 3:11

Alli yuyaita charicpish, pi mana tiyanchu. Diosmanta yachasha nicpish, pi mana tiyanchu.

HEBREOS 11:6

Taita Diosman cuchuyangapacca, pai tiyashcatapish, paiman mañaccunaman pai imallata cuna cashcatapish crinami can. Mana crishpaca, Taita Diospac munaitaca ima shina mana ruhuaipacmi.

SANTIAGO 5:15

Allichina cashcata crishpa mañacpica, chai ungushcataca Apunchic Jesusca alliyachishpa jatarichingami, shinallatac juchacunatapish perdonangami.

1 JUAN 3:22

Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.