SAN MATEO 6:9 - Nuevo Testamento en Quichua Cañar 1996

⁹ Cancuna Taita Diosman mañashpaca, cashna ninguichic: ‘Jahua pachapi cac ñucanchic Taitalla, cambac sumaimana shutita, tucuilla alli nishca cachun.

Dios Rimashcata Quillcashcami

⁹ Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

SAN MATEO 6:9 ပူးပေါင်းရင်းမြစ်များ

SAN MATEO 10:29

Ishcai zhutacunataca, ashalla valic shuc cullquipimi c'atuncuna. Shina cacpipish cancunapac Taita mana munacpica, shucllapish pambamanca mana urmanchu.

SAN MATEO 23:9

Cancunapac taitaca, jahua pachapi tiyac Taita Diosmi. Chaimanta cai pachapica, pitapish ‘taitami’ nishpaca, mana ninachu canguichic.

SAN MATEO 26:29

Ñucaca ninimi: Dios maipi mandacucpica cancunahuan mushuc vinota ubiangacamanmi, cai uvasmanta vinotaca cutinca manatac ubiasha— nirca.

SAN MATEO 26:42

Cutinllatac Jesús mañangapac rishpaca: —Ñuca Taitalla, jayacta ubiana shina llaquicunata ñuca apanata mana jarcaipac cacpica, can munashca shina cachun— nishpami mañarca.

SAN MATEO 5:16

Shinallatac cancunapish, cai pachapi causaccunapac ñaupapica, luz achicyachic shina allita ruhuashpa causaichic. Cancuna chashna ruhuacta ricushpami, jahua pachapi tiyac cancunapac Taita Diostaca ‘allimari cangui’ ningacuna.

SAN MATEO 5:48

Jahua pachapi tiyac cancunapac Taita Dios ima shinami allitac can, chashnallatac cancunapish allitac caichic.

SAN MATEO 6:14

Cancunata ima mana allita ruhuaccunata cancuna perdonacpica, jahua pachapi tiyac cancunapac Taita Diosca cancunatapish perdonangami.

SAN MATEO 6:6

Chaimanta can Taita Diosman mañashpaca, ucuman yaicui, punguta huichcai, cambac Taita Diosman pacalla mañai. Can pacallapi mañacushcatapish ricuc Taita Diosca, can japina cashcataca cungami.

SAN MATEO 7:11

Cancuna millaicuna cashpapish, cancunapac huahuacuna imata mañacpica, allicunatami cunguichic. Ashtahuanpish jahua pachapi tiyac cancunapac Taita Dioscarin, maijanpish mañaccunamanca allicunatami cunga.

SAN LUCAS 15:18

Ñuca taitapacman cutishpa rishalla. Chaiman chayashpaca: “Taitito, Diostapish, cantapish p'iñachishpami, mana allita ruhuashcani.

SAN LUCAS 15:21

Chashna muchacpimi churica: ‘Taitito, Diostapish, cantapish p'iñachishpami, mana allita ruhuashcani. Cunanca ña mana cambac churi shinachu cani’ nirca.

SAN LUCAS 2:14

“Jahua pachapi cac Taita Dioslla, ¡cantaca tucui alli nichun! Cai pachapipish can c'uyashca causaccunaca, ¡sumac causaita charichun!” nircacuna.

SAN JUAN 20:17

Shina nicpi Jesusca: —Ñucaca manarac ñuca Taitapacman huichiyanichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichiyagrini’ ninmi, nishpa huillagri— nirca.

ROMANOS 8:15

Cancunaca mana cutinllatac manchaita cuc, huatashca shina causanaman apac espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: “Ñuca Taitalla” nishpa Taita Diosman mañanchic.

GÁLATAS 1:1

Ñucaca mana gentecunalla acllashcapac huillachun cachashcachu cani, ashtahuanpish Taita Diospish, shinallatac pai causachishca Jesucristopish huillachun cachashca Pablomi cani.

GÁLATAS 4:6

Shinallatac ñucanchic ña paipac huahuacuna cashcata ricuchingapacmi, Taita Diosca paipac Churipac Espirituta ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

1 TIMOTEO 6:16

Paillami huiñaita causacca. Paica pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

1 PEDRO 1:17

Cancunaca pimanpish mana tucushpa, imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

APOCALIPSIS 4:11

—¡Ñucanchicta Mandac Dioslla, canca sumacmari cangui, allimari cangui, imatapish ruhuacmi cangui! Tucui ima tiyacpish cambac munaimantami ruhuarishca. Canmantami imapish tiyan. Shina cashcamanta cantaca alli ninatacmi canchic— nishpami, alli nicurcacunalla.

APOCALIPSIS 5:12

Paicunaca cashna sinchita rimashpaca: —Taita Diosman cushpa huañuchishca Pactalla Ovejaca, can imatapish ruhuaclla cashcamanta, charic cashcamanta, yachac cashcamanta, alli nishca cashcamanta, sinchi cashcamanta, shinallatac sumaimana cashcamantapish, ¡tucuimanta yalli jatunmi cangui!— nicurcacunami.