SAN MATEO 6:33 - Nuevo Testamento en Quichua Cañar 1996

³³ Cancunaca tucuimanta yallica, Taita Dios munashcata ruhuashpa, pai mandacucpi causanata yuyaichic. Shinashpaca, cancunapac ima illashcatapish chasquinguichicllami.

Dios Rimashcata Quillcashcami

³³ Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

SAN MATEO 6:33 ပူးပေါင်းရင်းမြစ်များ

SAN MATEO 19:28

Chaimantami Jesusca cashna nirca: —Cai pachata Taita Dios mushucta ruhuacucpimi, Runa Tucungapac shamushca*f** ñucaca, sumaimana achicllapi mandai callarisha. Chaipica cancunapish ñucata c'aticcuna cashcamantaca, chunga ishcai mandaccuna mandashpa tiyarinacunapi tiyarishpami, chunga ishcai Israel*f** aillucunata mandanguichic. Chaica chashnatacmi canga.

SAN MATEO 19:29

Maijanpish ñucata c'atingaraicu huasita, huauquicunata, panicunata, taita mamata, huarmita, huahuacunata, shinallatac allpata saquicca, caicunamanta pasac cutinhuan yallimi japinga, shinallatac huiñai causaitapish japingami.

SAN MATEO 3:2

Pai huillashpaca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nirca.

SAN MATEO 4:17

Chaimanta pachami Jesusca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nishpa huillai callarirca.

SAN MATEO 5:6

Yarcaihuan yacunayaihuan cac shina, allita ruhuashpa causanata munaccuna, ¡cushicuichic! Taita Diosmi chai munashcata pactachichunca, mana nicta carac shina cunga.

SAN LUCAS 1:6

Paicunaca cusandic huarmindictac Diospac ñaupapi alli causaccunami carca. Pipish mana imata juchanchipac, Dios mandashcacunatapish, yachachishcacunatapish tucuita alli pactachiccunami carca.

SAN LUCAS 12:31

Taita Dios mandacucpi causanata ashtahuan munaichic. Shinashpaca, ima illashcatapish chasquinguichicllami.

SAN JUAN 6:27

Cancunaca ama chingariclla micunata mashcaichicchu. Chaica chingaringallami, ashtahuanpish mana chingaric micunata mashcaichic. Chai micunami huiñai causaitaca cun. Chai micunataca Runa Tucungapac shamushca*f** ñucallami cusha. Chaita cuchunmi Taita Diosca ñucataca cacharca— nirca.

HECHOS 20:25

Sarun punzhacunapimi, Taita Dios mandacucmantaca taucacunaman huillarcani. Chaita uyaccunaca cancunapish, shuccunapish cunanmanta pacha ña mana ñucataca ricunguichicchu. Chaica chashnatacmi canga.

HECHOS 28:31

Taita Dios mandacucmanta huillashpa, Apunchic Jesucristomantapish yachachic carca. Pi mana jarcashcami, pai tucui huillasha nishcataca huillac carca.

ROMANOS 1:17

Chai alli huillaimi ima shina Taita Dioshuan alli tucunata ricuchin. Chai alli huillaimi crishcallamanta Taita Dioshuan alli tucuna cashcata nin. Shinallatac Dios quillcachishcapica: “Taita Dioshuan alli tucushcacunaca crishcallamantami causanga” ninmi.

ROMANOS 10:3

Paihuan alli tucuchun Taita Dios ima shina chasquicushcata mana entendishpami, paicunapac quiquin ruhuashcahuan alli ricurishun, Diosllatac paicunahuan alli tucuna cashcata mana chasquincuna.

ROMANOS 14:17

Taita Dios mandacucpi causanaca mana ubianata, micunata yuyashpalla causanachu, ashtahuanpish cashcata ruhuashpa, mana p'iñanacushpa, Diospac Espíritu yuyaita cushca shina cushicushpa causanami can.

ROMANOS 8:31

Shina cacpica, ¿imatatac nishunyari? Taita Dios ñucanchichuan cacpica, ¿pitac ñucanchictaca llaquichi pudingayari?

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 3:22

Pablopish, Apolospish, Pedropish, cai pachapish, huañuipish, causaipish, cunan punzhapish, shamuc punzhapish tucuimi cancunapac can.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Taita Diosca paihuan alli tucuchun ñucataca chasquirca.

2 TESALONICENSES 1:5

Chai shina cancuna llaquita apachun Taita Dios saquishpaca, pai imapish cashcatatac ruhuashpa taripac cashcatami ricuchicun. Taita Dios maipi mandacucman yaicuchunmi, chai shina llaquita apachun saquishca.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Taita Dioshuan alli canami tucuimanta yalli allica. Cai causaipacpish, q'uipa causaipacpish allicunatami apamun.

2 PEDRO 1:1

Ñucaca Jesús acllashca huillac, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.