SAN MATEO 6:23 - Nuevo Testamento en Quichua Cañar 1996

²³ Ashtahuanpish cambac ñahui mana alli cacpica, tucui cambac cuerpomi amsapi canga. Chashna cashcamanta cambac cuerpopi achicyachic luz amsayacpicarin, ¡amsaca ima mundo amsachari canga!

Dios Rimashcata Quillcashcami

²³ Cambac ñahui mana alli cacpica, tucui cuerpomi amsapi canga. Cambac cuerpopi achicyachic luz amsayacpicarin, ¡amsaca yallita amsami canga!

SAN MATEO 6:23 ပူးပေါင်းရင်းမြစ်များ

SAN MATEO 20:15

Ñuca cullquihuanca, imata ruhuasha nishpapish ruhuashallami. Chashna alli cashpa tucuiman cucpica, ¿ama cuchun nishpachu p'iñaringui?’ nirca.

SAN MATEO 6:22

Ñahuicunami cuerpopac luz shinaca. Chashna cashcamanta cambac ñahui alli cacpica, tucui cuerpomi achicpi canga.

MARCOS 7:22

shuhuancuna, yallita charicyana yuyailla cancuna, pitapish llaquichincuna, umancuna, pingai illacpish tucuncuna, shuccuna ama charichun nishpa munancuna, imatapish llullashpa purincuna, quiquinlla alli cashcata yuyancuna, yuyai illacpish tucuncuna.

SAN LUCAS 11:34

Cambac ñahuicunaca cuerpopac luz shinami. Ñahuicuna alli cacpi, tucui cuerpomi achiclla shina canga, ashtahuanpish cambac ñahui mana alli cacpica, amsapi shinami causacungui.

SAN LUCAS 8:10

Chashna tapucpica: —Taita Diosca pai mandacucmanta pimanpish mana yachachishcatami, cancunamanca yachachishca. Cutin shuccunamanca paicuna mashnata ricushpapish, mana ricushca shinallatac ama ricuchun, mashnata uyashpapish, mana uyashca shinallatac ama yuyaita japichunmi, cashna yuyaita japina parlocunallahuan yachachini.

ROMANOS 1:22

“Jatun yachaccunami canchic” nishpapish, paicunaca mana yachaccunami tucushca.

1 CORINTIOS 2:14

Diospac Espiritumanta yachanata mana munacca, pai cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

EFESIOS 4:18

Paicunaca amsa yuyaillata charishpami, mana alli yuyaita japincuna. Paicunaca Diosmanta shamuc mushuc causaitaca, yuyai illac rumi shungu cashcamantami mana chasquincuna.

EFESIOS 5:8

Ñaupaca amsallapimi cancunaca causarcanguichic. Cunanca Apunchic Jesushuan shuc shinalla tucushcamanta achic luzpimi causacunguichic. Shina cashcamantaca achic luzpi causacuc shina causaichic.

1 JUAN 2:11

Ashtahuanpish criccunata maijanpish p'iñacca amsapimi puricun, shinallatac amsallapitacmi causacun. Chashna cashcamantami chai amsallatac ñahuita mana ricucta ruhuacpi, maiman ricushcatapish mana yachashpa causacun.