SAN MATEO 5:29 - Nuevo Testamento en Quichua Cañar 1996

²⁹ Chashna cashcamanta cambac alli lado ñahui juchapi urmachisha nicpica, surcushpa shitangui. Can quiquinllatac ucu pacha ninaman shitashca canapac randica, chulla ñahuillata chingachinami canmanca ashtahuan alli canga.

Dios Rimashcata Quillcashcami

²⁹ Chaimanta cambac alli lado ñahui juchapi urmachisha nicpica, surcushpa shitangui. Tucui cuerpo ucu pacha ninaman shitashca canapac randica, chulla ñahuillata chingachinami canmanca ashtahuan alli canga.

SAN MATEO 5:29 ပူးပေါင်းရင်းမြစ်များ

SAN MATEO 10:28

Cuerpota huañuchiccunataca mana manchanachu canguichic. Cuerpota huañuchishpapish, cancunapac almataca mana huañuchi pudingacunachu. Ashtahuancarin almatapish, cuerpotapish ucu pachaman cachac Taita Diostami manchana canguichic.

SAN MATEO 11:6

Maijanpish ñuca ima ruhuacushcata ricushpa, crishpa mana pandaricmanca, mai cushicuimi— nircami.

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Chashna chingarishpa, pai quishpiringapacca, ¿imatatac cui pudinga?

SAN MATEO 17:27

Ashtahuanpish impuestota japiccunata mana p'iñachingapacca, cuchaman ri. Chaiman chayashpaca, anzuelota shitangui. Maijan pescadoracmi japi tucun, chaipac shimipimi cullquita taringui. Chai cullquita apashpa, impuestota japiccunaman canmantapish, ñucamantapish cugringui— nirca.

SAN MATEO 19:12

Maijancunaca capashca shinami huacharincuna. Cutin maijancunaca capashcatacmi cancuna. Shinallatac maijancunaca jahua pacha Taita Dios mandacucpi servingapacmi, capashca shina tucuncuna. Chashnami tauca runacuna mana cazarashpa causancuna. Maijanpish caita entendinata pudishpaca, chasquichunlla— nirca.

SAN MATEO 23:15

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunaca shuc c'aticta charingapacllami yacucunata, mai caru llactacunata purishpa mashcanguichic. Chashna tarishpaca, cancunata yalli ucu pachaman rinalla cactami ashtahuan ruhuanguichic.

SAN MATEO 23:33

Cancunaca culebra shina millaicunapac huahuacuna cashpami, cancunapish culebra shina millaicuna canguichic. Chashna cashpaca, ¡maitatac ucu pacha ninaman shitashca canamantaca quishpiringuichicyari!

SAN MATEO 5:22

Ashtahuanpish ñucacarin cashnami nini: Maijanpish p'iñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish maipish cachun rimactaca, ucu pacha ninaman shitana nishcami canga.

SAN MATEO 5:30

Shinallatac cambac alli lado maqui juchapi urmachisha nicpica, p'itishpa shitangui. Can quiquinllatac ucu pacha ninapi shitashca canapac randica, cambac chulla maquillata chingachinami ashtahuan alli canga.

MARCOS 8:36

Maijanpish cai pachapi tucui imata charicyashpapish, huiñai causaita chingachishpaca, ¿ima allitac cangayari?

SAN LUCAS 12:5

Cancuna pita manchana cashcata huillasha: Huañushca q'uipa, ucu pachaman cachac Taita Diosta manchanguichic. Paillatami cancunaca manchana canguichic.

ROMANOS 6:6

Ñaupa ñucanchic ima shina causashcaca, Cristohuan chacatarishca shina cashcataca yachanchicmi. Chashnaca ñucanchicpi tiyac juchacuna ama mandashpa c'atichunmi, chai juchacunataca chingachishpa, Cristohuan chacatarishca shina canchic.

ROMANOS 8:13

Cai pacha jucha munashca shina causacushpaca, huañunguichicmi. Shina cashpapish Diospac Espíritu yuyaita cushcahuanca, cai pacha jucha munashcataca chingachinguichicmi. Shina chingachishpaca causanguichicmi.

1 CORINTIOS 9:27

Ashtahuanpish ñuca quiquin cuerpotami macac shina cazuchicuni. Cai shinaca shuccunaman huillashpa mishachishca jahua, ñucarac huashayashpa mana saquiringapacmi chashnaca ruhuacuni.

GÁLATAS 5:24

Shinallatac maijanpish Jesucristopac caccunaca cai pacha jucha munaicunandic, imapish yallita mana alli yuyaicunandicmi chacatashca shina causacun.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huacllirichicchu, manapish caipaccunata ama ruhuaichicchu, ama huacllirina yuyailla caichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.