SAN MATEO 5:18 - Nuevo Testamento en Quichua Cañar 1996

¹⁸ Cai pachapish, jahua pachapish tucuringacamanca, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

Dios Rimashcata Quillcashcami

¹⁸ Cai pacha, jahua pacha tucuringacaman, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

SAN MATEO 5:18 ပူးပေါင်းရင်းမြစ်များ

SAN MATEO 10:15

Sodoma pueblopi shinallatac Gomorra pueblopi causac millai gentecuna ima shinami llaqui tucurca, chaitapish yallimi chai pueblopi causaccunataca, Taita Dios taripana punzhapica llaquichishca canga. Chaica chashnatacmi canga.

SAN MATEO 10:23

Maijan pueblopi cancunata llaquichicpica, caishuc puebloman ringuichic. Cancuna Israel*f** llactapi manarac tucuiman huillashpa puricpimi, Runa Tucungapac shamushca*f** ñucaca cutimusha. Chaica chashnatacmi canga.

SAN MATEO 10:42

Shinallatac ñucata c'atic cashcamanta, cai yangalla shinacunaman asha chiri yacullatapish cucmanca, Taita Diosca pai japina cashcata cungami. Chaica chashnatacmi canga— nirca.

SAN MATEO 11:11

Cai pachapi Bautizac Juanmanta yalli alli huillacca manatac tiyashcachu. Chashna cacpipish jahua pacha Taita Dios mandacucpica, yangalla imapish mana cacmi, Juanta atishpa alli nishcaca. Chaica chashnatacmi can.

SAN MATEO 13:17

Diosmanta ñaupa huillaccunapish, cashcata ruhuaccunapish, cunan cancuna ricushcataca mashnata ricusha nishpapish, manatac ricurcacunachu. Shinallatac cunan cancuna uyacushcata mashnata uyashun nishpapish, manatac uyarcacunachu. Chaica chashnatacmi.

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN MATEO 17:20

Shina nicpi Jesusca: —Cancunaca ñucata mana tucui shunguhuan cric cashcamantami, mana llucchi pudircanguichic. Cancuna crishca shuc uchilla mostaza muyu shinallapish cacpica, cai urcuta ‘caimanta anchurishpa, chimbapi tiyarigri’ nicpica, anchurishpa chaipi tiyarigrinmanllami. Chai shina ashallatapish crishpaca, imapish ruhuanguichicmanmi. Chaica chashnatacmi can— nirca.

SAN MATEO 18:18

Cai pachapi cancuna allimi nishcaca, jahua pachapipish alli nishcallatacmi canga. Shinallatac cai pachapi cancuna mana allichu nishcaca, jahua pachapipish mana alli nishcallatacmi canga. Chaica chashnatacmi canga.

SAN MATEO 18:3

—Cancunaca huahuacuna yuyaita japicuc shina, mushuc yuyaita mana japishpaca, jahua pacha Taita Dios mandacucmanca mana yaicunguichicchu. Chaica chashnatacmi canga.

SAN MATEO 19:23

Chaimantami paipac yachacuccunaman Jesusca: —Chayuccunaca, Taita Dios mandacucpica mana utca yaicui pudingachu. Chaica chashnatacmi.

SAN MATEO 19:28

Chaimantami Jesusca cashna nirca: —Cai pachata Taita Dios mushucta ruhuacucpimi, Runa Tucungapac shamushca*f** ñucaca, sumaimana achicllapi mandai callarisha. Chaipica cancunapish ñucata c'aticcuna cashcamantaca, chunga ishcai mandaccuna mandashpa tiyarinacunapi tiyarishpami, chunga ishcai Israel*f** aillucunata mandanguichic. Chaica chashnatacmi canga.

SAN MATEO 21:21

Shina nicpi Jesusca: —Mana caita chaita yuyashpa Taita Diosta cricpica, mana cai higo yurallachu chashna tucunga, ashtahuanpish cai urcuta ‘caimanta anchuri, mama cuchaman shitari’ nicpica, shitarinmanllami. Chaica chashnatacmi.

SAN MATEO 21:31

Cai ishcaicunamantaca, ¿maijantac taita mandashcataca ruhuarca?— nishpa Jesús tapucpica, paicunaca: —Punta churiyari— nircacuna. Shina nicpi Jesusca: —Chai shinallatacmi Taita Dios mandacucmanca, Roma*f** llactaman impuestota japiccuna, shinallatac huaclli huarmicunarac cancuna manarac yaicucpi yaicungacuna. Chaica chashnatacmi.

SAN MATEO 23:36

Tucui chai mana allita ruhuashcamantaca, cunan punzhapi causac gentecunatami Taita Diosca llaquichinga. Chaica chashnatacmi canga.

SAN MATEO 24:2

Chashna ricuchicpimi Jesusca: —¿Cai jatun huasicunallata ricushpachu mana amiricunguichic? Caipica, shuc rumillapish pircashcaca mana saquiringachu, tucui urmachishcami canga. Chaica chashnatacmi tucunga— nirca.

SAN MATEO 24:47

Chashna alli cazucmanca amoca tucui imalla charishcacunatami ricuchun churanga. Chaica chashnatacmi canga.

SAN MATEO 25:12

Chashna c'ayacpimi, ucumanta novioca: ‘Cancunataca mana ricsinichu’ nirca.

SAN MATEO 25:40

Shina nicpi ñucaca: ‘Tucui caicunata cai yangalla shina ñuca huauquicunaman ruhuashpaca, ñuca quiquinmanmi ruhuarcanguichic. Chaica chashnatacmi’ nishami.

SAN MATEO 25:45

Shina nicpica ñucaca: ‘Tucui caicunata cai yangalla shinacunaman mana ruhuashpaca, ñucamanmi mana ruhuarcanguichic. Chaica chashnatacmi’ nishami.

SAN MATEO 5:26

Chaimantaca tucui cullquita cungacaman mana llucshinguichu. Chaica chashnatacmi canga.

SAN MATEO 6:16

Cancuna ayunashpaca, ama chai mishqui shimi, jayac shungucuna shina, llaquilla ñahui tucushpa ayunaichicchu. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:2

Chaimanta can huacchacunaman imata cushpaca, ama gentecuna alli nichunlla pimanpish parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish gentecuna alli nichun nishpa, parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 8:10

Chashna nicta Jesús uyashpaca, mana amirishpami paita c'aticcunamanca: —Cashna ñuca alliyachina cashcata cric runataca, israelcunapurapipish*f** mana tarishcanichu. Chaica chashnatacmi.

MARCOS 10:15

Maijanpish shuc huahua chasquic shina, Taita Dios Mandac cachun mana chasquicca, Taita Dios mandacucmanca mana yaicungachu. Chaica chashnatacmi canga— nirca.

MARCOS 10:29

Shina nicpi Jesusca: —Maijanpish quishpirinamanta alli huillaita chasquishcamanta ñucata c'atingaraicu huasita, huauquicunata, panicunata, taita mamata, huarmita, huahuacunata, allpata saquishpaca,

MARCOS 11:23

Maijan cancunamanta tucui shunguhuan crishpa, mana caita chaita yuyashpa, cai urcuta ‘caimanta anchuri, jatun cuchaman shitari’ nicpica, shitarinmanllami. Chaica chashnatacmi canga.

MARCOS 12:43

Chaita ricushpami, Jesusca paipac yachacuccunata c'ayashpaca: —Cai huaccha viuda huarmimi, caishuccuna cushcata yalli Taita Diosmanca cushca. Chaica chashnatacmi.

MARCOS 13:30

Cunan punzha causaccuna manarac huañucpimi, cai ñuca huillashcacunaca pactanga. Chaica chashnatacmi canga.

MARCOS 14:18

Ña mizapi tiyarishpa micucushpami, Jesusca paipac yachacuccunataca: —Cancunapuramanta ñucahuan micucuc shucmi, ñucata huañuchiccunaman japichinga. Chaica chashnatacmi canga— nirca.

MARCOS 14:25

Taita Dios mandacucpi mushuc vinota ubiangacaman, cai uvas vinotaca cutinca manatac ubiashachu. Chaica chashnatacmi canga— nirca.

MARCOS 14:30

Pedro shina nicpi Jesusca: —Cunan tutallatacmi gallo manarac ishcai cutin cantacpi, ñucataca quimsa cutin ‘mana ricsinichu’ ningui. Chaica chashnatacmi canga— nirca.

MARCOS 14:9

Tucui cai pachapi maipipish quishpirinamanta alli huillaita huillacushpaca, cai huarmi ñucapi mishquilla ashnacucta churashcatapish huillangacunami. Chashna huillacpica, tucui uyaccunami pai chashna ruhuashcata yuyaringacuna. Chaica chashnatacmi canga— nirca.

MARCOS 3:28

Ñucaca cancunamanca cashna tucuna cashcatami nini: Gentecuna ima juchata ruhuashcamantapish, ima millaita rimashcamantapish Taita Diosca perdonangami,

MARCOS 6:11

Maijan llactapi cashpapish cancunata mana chasquishpa, cancuna huillashcata mana uyashun nicpica, llucshishpa ringuichiclla. Chai llactapi causaccuna llaquita apana cashcata ricuchingapacca, cancunapac chaquipi c'atirishca allpatapish chaspishpa shitashpa ringuichics— nirca.

MARCOS 8:12

Shina nicpica, Jesusca shungu ucumanta llaquirishpami: —Cunan punzha causaccunaca, ¿ima nishpatac Taita Dios cachashcata ricungapacca, pi mana ruhuaipactarac ruhuashpa ricuchichun nincunayari? Paicunaca pi mana ruhuaipacta ricushun nishpapish, manatac ricungacunachu, chashnami canga— nirca.

MARCOS 9:1

Chashnallatac Jesusca: —Taita Dios imatapish ruhuaclla cashcahuan mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

MARCOS 9:41

Cancunaca Quishpichic Cristota c'aticcuna cashcamanta maijanpish cancunaman shuc vaso yacullatapish cucmanca, Taita Diosca japina cashcataca cungami. Chaica chashnatacmi— nirca.

SAN LUCAS 11:51

Abelta huañuchishca yahuarmanta callarishpa, Zacariasta huañuchishca yahuarcamanmi, Taita Diosca cunan punzha causaccunataca taripashpa llaquichinga, chashnami canga. Zacariastaca, Diosman mañana huasi ucupi tiyac altar ladopi cacpipish huañuchircacunami.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 13:35

Chaimantami cancunapac huasica shitashca saquiringa. Cancunaman huillanimi: Taita Dios cachashca, ñuca cutimucpi ‘allimari cangui’ ningacaman, ñucataca manatac ricunguichicchu— nirca.

SAN LUCAS 16:17

Jahua pachapish, cai pachapish tucurinallami, ashtahuanpish Taita Dios mandashcacunamantaca, shuc rimaillapish mana chingaringachu, pactacungallami.

SAN LUCAS 18:17

Maijanpish shuc huahua chasquic shina, Taita Dios Mandac cachun mana chasquicca, Taita Dios mandacucmanca mana yaicungachu. Chaica chashnatacmi canga— nirca.

SAN LUCAS 18:29

Chashna nicpi Jesusca: —Taita Dios mandacucmanta maijanpish huasita, taita mamata, huauquicunata, huarmita, huahuacunata saquishpami,

SAN LUCAS 23:43

Chashna nicpimi Jesusca: —Cunanllatacmi jahua pacha sumac llactapica ñucahuan cagringui. Chaica chashnatacmi canga— nirca.

SAN LUCAS 4:24

Jesusca caitapish nircami: —Diosmanta huillactaca, paipac quiquin llactapi causaccunallatacmi mana uyashun nincuna. Chaica chashnatacmi can.

SAN JUAN 1:51

Shinallatac Jesusca: —Jahua pacha pascaricpi, Diospac angelcuna Runa Tucungapac shamushca*f** ñucapacman huichicucta, uricuctami ricunguichic. Chaica chashnatacmi canga— nirca.

SAN JUAN 10:1

Jesusca cashnami nirca: —Maijanpish chapashpa huañuchic shuhua cashpami, ovejacunapacmanca mana corral punguta yaicushpa, maitapish yaicun. Chaica chashnatacmi can.

SAN JUAN 10:7

Jesusca cutinllatacmi cashna nirca: —Ñucami ovejacuna yaicuna punguca cani. Chaica chashnatacmi can.

SAN JUAN 12:24

Shuc trigo muyu allpapi urmashpa, jurayashpa chingarishpaca, achca granotami cun. Ashtahuanpish mana allpapi urmashpaca, paillami tiyacunlla. Chaica chashnatacmi can.

SAN JUAN 13:16

Amota servicca mana amota yallichu. Shinallatac maijan cashpapish, cachashca shamucca mana cachactaca yallichu. Chaica chashnatacmi can.

SAN JUAN 13:38

Chashna nicpi Jesusca: —¿Ima shinatac ñucamanta ‘huañuna cacpipish huañushallami’ ningui? Manarac gallo cantacpimi, quimsa cutin ñucataca ‘mana ricsinichu’ ningui. Chaica chashnatacmi canga— nirca.

SAN JUAN 14:12

Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

SAN JUAN 16:20

Cancuna llaquilla cacpipish, huacailla cacpipish, cai pachapaclla causaccunaca cushicungami. Shina cancuna llaquilla cacpipish, llaquica cushiman tigrangami.

SAN JUAN 16:23

Chai punzhacunapica ña mana ashtahuan imata ñucamanca tapunguichicchu. Ñuca Taitallami tucui imatapish ñuca shutipi cancuna mañashcataca cunga. Chaica chashnatacmi canga.

SAN JUAN 21:18

Huambrarac cashpaca, canllatacmi chumbillirishpa maiman risha nishpapish ric carcangui. Shina cacpipish yuyac cacpica, rigrata chutacpimi, cantaca shuc chumbillichinga, shinallatac can mana risha nishcamanmi pushanga. Chaica chashnatacmi canga— nirca.

SAN JUAN 3:11

Ñucanchicca imatapish yachashcatami ninchic, shinallatac imata ricushcatami huillanchic. Shina cacpipish, ñucanchic ima nishcataca mana cringuichicchu. Chaica chashnatacmi can.

SAN JUAN 3:3

Shina nicpi Jesusca: —Maijanpish mana cutin huacharicca, Taita Dios mandacuctaca mana ricungachu. Chaica chashnatacmi canga— nirca.

SAN JUAN 3:5

Shina nicpi, Jesusca cashnami nirca: —Maijanpish yacuhuan, Diospac Espirituhuan mana huacharicca, Dios mandacucmanca manatac yaicungachu. Chaica chashnatacmi canga.

SAN JUAN 5:19

Chashna p'iñacpi, Jesusca cashna nirca: —Ñucaca Diospac Churi cashpapish, ñuca munaimantaca imata mana ruhuanichu, ashtahuanpish ñuca Taita ruhuacta ricushpallami, imatapish ruhuani. Imatami ñuca Taita ruhuan, chaitami ñucapish ruhuani. Chaica chashnatacmi can.

SAN JUAN 6:26

Shina tapucpi, Jesusca cashnami nirca: —Cancunaca pi mana ruhuaipaccunata ruhuashcamantaca mana mashcacunguichicchu, ashtahuanpish mana nicta micushcallamantami mashcacunguichic. Chaica chashnatacmi can.

SAN JUAN 6:32

Shina nicpi Jesusca: —Jahua pachamanta tandataca mana Moiseschu curca, ashtahuanpish ñuca Taitami cancunamanca jahua pachamantatac cac tandata cun. Chaica chashnatacmi can.

SAN JUAN 6:47

Maijanpish ñucata cricca, huiñai causaita charinmi. Chaica chashnatacmi can.

SAN JUAN 6:53

Shina nicpimi Jesusca cashna nirca: —Runa Tucungapac shamushca ñuca aichata cancuna mana micushpa, ñuca yahuarta mana ubiashpaca, causaitaca mana charinguichicchu. Chaica chashnatacmi can.

SAN JUAN 8:34

Shina nicpimi Jesusca cashna nirca: —Maijanpish juchata ruhuaccunaca juchapi huatashca shinami cancuna. Chaica chashnatacmi can.

SAN JUAN 8:51

Maijanpish ñuca nishcata cazucca mana huañungachu. Chaica chashnatacmi canga— nirca.

SAN JUAN 8:58

Shina nicpi Jesusca: —Manarac taita Abraham tiyacpimi, ñucaca ña tiyarcani. Chaica chashnatacmi can— nirca.

1 PEDRO 1:25

Ashtahuanpish Dios rimashca shimicunaca huiñaita mana chingaringachu” ninmi. Cai shimicunatami quishpirinamanta alli huillaita huillacpica uyarcanguichic.

APOCALIPSIS 20:11

Chai q'uipaca shuc jatun yuraclla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.