SAN MATEO 4:24 - Nuevo Testamento en Quichua Cañar 1996

²⁴ Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

Dios Rimashcata Quillcashcami

²⁴ Chai ruhuashcaca tucui Siria llactapimi uyarirca. Shina uyaricpimi, Jesuspacmanca nanaihuan caccunatapish, ungüihuan llaquilla caccunatapish, supai japishca caccunatapish, yuyai illac tucushcacunatapish, paralisis ungüihuan caccunatapish apamurca. Jesusca tucui chai ungushcacunatami alliyachirca.

SAN MATEO 4:24 ပူးပေါင်းရင်းမြစ်များ

SAN MATEO 12:22

Chai q'uipami supai japishca cashcamanta ñahui mana ricuc, mana rimaric shuc runata Jesuspacman apamurcacuna. Chashna apamucpimi, Jesusca ñahuipish ricucta, shimipish rimacucta ruhuarca.

SAN MATEO 14:1

Chai punzhacunaca, Galilea llactata mandac Herodesca Jesusmanta parlanacucta uyashpami,

SAN MATEO 15:22

Jesús chaipi cacpimi, Canaán llactamanta rishpa, chai llactapi causac shuc huarmi cuchuyashpaca: —Mandac Davidpac aillupuramanta Apunchic Jesús, ¡ñucata llaquiyari! Ñuca huahuatami supai japishpa yallita llaquichicun— nishpa caparirca.

SAN MATEO 17:15

—Apunchic Jesús, ñuca churita llaquiyari. Paica yuyaita chingachic ung:uihuanmi yacupi, ninapi urmashpa, munai llaquita apacunlla.

SAN MATEO 17:18

Ña apamucpica, Jesusca sinchita rimashpami, chai huambramanta supaitaca llucchishpa cacharca. Chashna ruhuacpica, chai huambraca ña alli tucurcallami.

SAN MATEO 4:23

Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

SAN MATEO 8:28

Jesús ña yacuta chimbashpaca, Gadara llactamanmi chayarca. Chaipimi supai japishca ishcai runacuna panteonmanta llucshishpa, Jesuspacman shamurca. Paicunaca ima mundo millaicunami carca. Chaimantami chai panteón cuchulla ñantaca, pi mana pasai pudircacuna.

SAN MATEO 8:33

Chashna tucucta ricushpami, cuchicunata michiccunaca mancharishpa, tucui chai imalla tucushcatapish, supai japishcacuna ima tucushcatapish puebloman rishpa huillarcacuna.

SAN MATEO 8:6

—Apunchic Jesús, ñuca huasipimi ñucata servic runaca mana cuyuricta ruhuac ung:uihuan c'uyaillata llaquita apacun— nirca.

SAN MATEO 9:26

Jesús chashna ruhuashcaca, tucui chai llactacunapimi yacharirca.

SAN MATEO 9:35

Jesusca tucui pueblocunatapish, llactacunatapish purishpami, israelcuna*f** tandanacuna huasicunapica yachachirca. Shinallatac Taita Dios mandacucmanta alli huillaita huillashpami, tucui laya ungushcacunatapish, nanaihuan caccunatapish alliyachishpa puricurca.

MARCOS 1:28

Jesús chashna ruhuashcataca, Galilea llacta muyundicpi tucui causaccunaca manarac mashnapimi yachac chayarcacuna.

MARCOS 1:32

Ña inti tigrashpa tutayamucucpica, tucui ungushcacunatapish, supai japishcacunatapish Jesuspacman pushamurcacunami.

MARCOS 2:3

Chaimanmi mana cuyuricta ruhuac ung:ui japishca shuc runata, chuscu tucushpa chacanapi apamurcacuna.

MARCOS 2:4

Chaipi achca gentecuna cashcamantami, Jesuspac cuchuman mana chayai pudircacuna. Chashna mana chayai pudishpami, huasi jahuaman*f** huichicushpa c'atata pascashpa, ungushca runataca huandumushcandic Jesuspacman uricuchircacuna.

MARCOS 2:9

Cai ungushca runataca, ¿ima ninatac ashtahuan jahualla canga? ¿‘Cambac juchacunataca ña perdonanimi’ nina, mana cashpaca ‘jatari, canta huandumushca chacanata apashpa rilla’ ninachu ashtahuan jahualla canga?— nishpa tapurca.

SAN LUCAS 2:2

Shuticunata quillcachinaca, Cirenio runa Siria llactata mandacucpimi callarirca.

SAN LUCAS 4:14

Jesusca Diospac Espirituhuan cashpami, Galilea llactamanca imatapish ruhuaipaclla cutirca. Paimantaca tucui chai llactapi causaccunami parlanacurcacuna.

SAN LUCAS 4:38

Jesusca chai tandanacuna huasimanta llucshishpaca, Simonpac huasimanmi yaicurca. Chai huasipica, Simonpac suedrami fiebrehuan ancha ungushca carca. Chashna ungushca cacpimi, Jesusmanca “alliyachishpa cui” nishpa mañarcacuna.

SAN LUCAS 5:15

Ashtahuanpish ungushcacunata Jesús alliyachishcaca, tucui llactacunapimi punzhanta ashtahuan uyarishpa c'atirca. Chaimantami uyangapacpish, shinallatac ungushcacunata jambichingapacpish achcacuna Jesuspacmanca shamurcacuna.

SAN LUCAS 5:24

Runa Tucungapac shamushca*f** ñucaca cai pachapi juchacunata perdonaclla cashcata cancuna yachachunmi, cai runataca: ‘Jatari, canta huandumushca chacanata apashpa, cambac huasiman rilla’ nini— nirca.

SAN LUCAS 7:17

Jesús chashna ruhuashcataca Judea llactapi causaccunapish, tucui muyundic llactacunapi causaccunapish tucui mashnami yachac chayarcacuna.

SAN JUAN 10:21

Ashtahuanpish maijancunaca: —Supaihuan cashpaca, mana chashna rimanmanchu. Maijanpish supaihuan cashpaca, ñahui mana ricuctaca mana alliyachinmanchu— ninacurcacunami.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

HECHOS 15:23

Chashna acllashpaca, paicuna apachunmi cashna quillcarcacuna: “Jesús acllashca huillaccunapish, criccunata pushaccunapish, ñucanchicca Antioquía pueblopi, Siria llactapi, Cilicia llactapi causac mana Israel criccunatapish ‘allillachu canguichic’ ninchicmi.

HECHOS 15:41

Paicunaca Siria llactata, Cilicia llactata rishpami, chai llactacunapi causac tandanacushca criccunamanca ashtahuan alli c'atina yuyaita cushpa rircacuna.

HECHOS 28:9

Chashna alliyachicpica, chai llactapi causac caishuc ungushcacunapish shamushpaca alliyarcacunami.

HECHOS 8:7

Supai japishcacunataca achcacunata alliyachicpimi, supaicunaca caparishpa llucshircacuna. Mana puriccunatapish, suchucunatapish achcacunatami alliyachirca.