SAN MATEO 28:16 - Nuevo Testamento en Quichua Cañar 1996

¹⁶ Chunga shuc yachacuccuna rishpaca, Jesús maiman tupachun nishca shinallatacmi, Galilea llactapi tiyac urcuman tuparcacuna.

Dios Rimashcata Quillcashcami

¹⁶ Chunga shuc yachacuccunaca Jesús maiman tupachun nishpa mandashca shinami, Galilea llactapi tiyac urcuman rirca.

SAN MATEO 28:16 ပူးပေါင်းရင်းမြစ်များ

SAN MATEO 26:32

Shina cacpipish Taita Dios ñucata causachishca q'uipaca, cancuna manarac Galilea llactaman ricpimi, ñaupashpa risha— nirca.

SAN MATEO 28:10

Chashna ruhuacpica Jesusca: —Ama mancharichicchu. Cunanca richic, ñucata c'atic huauquicunaman huillagrichic: ‘Galilea llactaman rishpa, chaipimi ñucataca ricunguichic’ ninmi, nigrichic— nirca.

SAN MATEO 28:7

Cunanca utcashpa, paipac yachacuccunamanca: ‘Paica ñami huañushcacunapuramanta causarishca. Cunanca ñami Galilea llactaman cancunapac ñaupata rin. Chaipimi paita ricunguichic’ nishpa huillagrichic. Chaitami ñucaca cancunaman huillana carcani— nirca.

MARCOS 14:28

Shina cacpipish Taita Dios ñucata causachicpica, cancuna manarac Galilea llactaman ricpimi risha— nirca.

MARCOS 15:41

Chai huarmicunami Galilea llactapi Jesús puricucpica, ayudashpa Jesusta c'atishpa puriccuna carca. Shinallatac Jerusalén puebloman paihuan shamuc tauca shuctac huarmicunapish chaipimi carca.

MARCOS 16:14

Chai q'uipaca, Jesusca paipac chunga shuc yachacuccuna micucucpimi ricurirca. Chaipi ricurishpaca: “Ñuca causarishcata ricuccuna huillacpica, rumi shungu cashpami cancunaca mana crircanguichic” nishpa rimarirca.

MARCOS 16:7

Cunanca Pedroman, shinallatac caishuc yachacuccunamanpish: ‘Pai huillashca shinallatacmi, Galilea llactaman cancunapac ñaupata rin. Chaipimi paitaca ricunguichic’ nishpa, utca huillagrichic— nirca.

SAN JUAN 6:70

Shina nicpi Jesusca: —¿Manachu chunga ishcai yachacuccunata cancunataca acllarcani? Shina cacpipish cancunapuramanta shucca diablohuanmi— nirca.

1 CORINTIOS 15:15

“Taita Diosmi Cristota causachirca” nishpa huillacucpipish, Cristo mana causarishca cacpica, Taita Diosmanta llullashpa huillaccunami canchicman. Huañushcacuna mana causarina cacpica, Cristopish mana causarinmanchu carca.