SAN MATEO 27:16 - Nuevo Testamento en Quichua Cañar 1996

¹⁶ Chai punzhacunapica, tucui gentecuna mana alli nishca Barrabás runami prezu tiyacurca.

Dios Rimashcata Quillcashcami

¹⁶ Chai punzhapica, shuc yalli millai Barrabás runami prezu tiyacurca.

SAN MATEO 27:16 ပူးပေါင်းရင်းမြစ်များ

SAN MATEO 27:15

Pascua*f** punzha chayacpi gentecuna munashca shuc prezuta cacharichun nishpa mañacpica, mandac Pilatoca cacharicllami carca.

SAN MATEO 27:17

Gentecuna tandanacumucpimi Pilatoca: —Cai ishcaimantaca, ¿maijantatac cacharichun ninguichic? ¿Barrabasta? Mana cashpaca, ¿Quishpichic Cristo nishca Jesusta?— nishpa tapurca.

MARCOS 15:7

Chaipica Barrabás runami, caishuc runacunahuan tandanacushpa macanacuita callarishca carca. Chai macanacuipi huañuchishcamantami, tucui mashna carcelpi tiyacurcacuna.

SAN LUCAS 23:25

Chai pueblopura macanacuchingapac jatarichic cashcamantapish, shinallatac huañuchishcamantapish prezu charicushca runatami, paicuna mañashca shinallatac cacharirca, ashtahuanpish Jesustaca paicuna munashca shina chacatachunmi curca.

SAN JUAN 18:40

Shina nicpica tucuimi: —¡Paitaca ama cacharichu, Barrabasta cachari!— nishpa caparircacuna. Barrabasca millai shuhuami carca.

HECHOS 3:14

Jesusca jucha illac cashpami, imatapish cashcata ruhuac carca. ‘Paita cacharichic’ ninapac randica, huañuchic runatami cacharichun nircanguichic.

ROMANOS 1:32

“Maijanpish chaita ruhuaccunaca huañunami can” nishpa Dios quillcachishcata allita yachashpapish, chaicunallatatac ruhuashpami c'atincuna. Shinallatac shuccuna chaita ruhuacta ricushpacarin allimi nincunami.

ROMANOS 16:7

Ñuca llactamanta cac Andronicotapish, Juniastapish “allilla cashca cachun” nichic. Paicunami ñucahuan carcelpi huichcashca carcacuna. Jesús acllashca huillaccunapuramantapish alli nishcacunami can. Paicunaca ñucapac ñaupa criccunami.