SAN MATEO 26:63 - Nuevo Testamento en Quichua Cañar 1996

⁶³ Chashna nicpipish, Jesusca imata mana nircachu. Chaimantami jatun mandac curaca: —Causac Diospac shutipimi huillachun nini. ¿Canchu Diospac Churi Quishpichic Cristoca cangui?— nirca.

Dios Rimashcata Quillcashcami

⁶³ Ashtahuanpish, Jesusca imata mana nircachu. Chaimantami mandac curaca: —Causac Diospac shutipi huillai. ¿Canchu Diospac Churi Cristoca cangui?— nirca.

SAN MATEO 26:63 ပူးပေါင်းရင်းမြစ်များ

SAN MATEO 16:16

Shina tapucpi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 26:62

Chashna nicpi curacunata jatun mandac cura jatarishpa Jesustaca: —Cai tucuita nicucpipish, ¿manachu imata ningui?— nirca.

SAN MATEO 27:12

Curacunata mandac curacuna shinallatac cunac yuyaccuna juchanchicucpipish, Jesusca imata mana nircachu.

SAN MATEO 27:14

Shina nicpipish, Jesusca imata mana nircachu. Chaimantami Pilatoca munai mana amirirca.

SAN MATEO 27:40

—Canca: ‘Diosman mañana huasita urmachishpapish, quimsa punzhapica cutin shayachishallami’ nircanguica. Can Diospac Churi cashpaca, ¡chacatashcamanta uricushpa, canllatac quishpiriyari!— nishpami c'amircacuna.

SAN MATEO 27:43

Paica: ‘Diospac Churimi cani’ nishpami, Dios yuyailla puricurca. Shina cacpica, Dios c'uyashpaca quishpichinmanmi— nircacuna.

SAN MATEO 27:54

Pasac soldadocunata mandacpish, paihuan cuidaccunapish allpa chucchucpi, shinallatac shuctac ima tucushcacunata ricushpapish, munai manchaihuan cashpami: —Cai runaca Diospac Churitacmi cashca— nircacuna.

SAN MATEO 4:3

Chashna yarcaihuan cacpimi, diablo Jesuspacman cuchuyashpaca: —Can Diospac Churitac cashpaca, cai rumicunata tanda tucuchun nillari— nirca.

MARCOS 14:61

Chashna tapucpipish, Jesusca imata mana nishpa upalla carcallami. Chaimanta chai curacunata jatun mandac curaca Jesustaca: —¿Canca sumac Diospac Churi Quishpichic Cristochu cangui?— nishpa, cutin tapurca.

SAN JUAN 1:34

Chaicunataca ñucami ricurcani. Chaimantami: ‘Paica Diospac Churimi’ nishpa huillacuni— nirca.

SAN JUAN 1:49

Shina nicpi Natanaelca: —Yachachic, canca Diospac Churimi cangui, israelcunata Jatun Mandacpishmi cangui— nirca.

SAN JUAN 10:24

Chaipi Jesús cacpimi israelcunaca: —Can Quishpichic Cristo cashpaca, cunanllatac alli alli huillaiyari. Ñucanchicca, ¿ima horascamantac can pi cashcata mana yachashpa puricushunyari?— nircacuna.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 10:36

Ashtahuanpish Taita Diosca ch'icanyachishpami, ñucataca cai pachaman cacharca. ¿Chashna cashca jahuachu ñucataca ‘Diospac Churimi cani’ nishcamanta cancunaca ‘Taita Diostami p'iñachicun’ ninguichic?

SAN JUAN 18:37

Chaita uyashpami Pilatoca: —Shinashpaca, ¿canca mandacchu cangui?— nicpi Jesusca: —Can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN JUAN 19:7

Shina nicpi israelcunaca: —Ñucanchicca shuc mandashcata charinchicmi. Chai mandashcapi nishca shinaca, paica ‘Diospac Churimi cani’ nishcamantaca huañunami can— nircacuna.

SAN JUAN 19:9

mandashpa tiyana ucuman yaicushpa, cutin Jesusman tapushpaca: —¿Maimantatac cangui?— nirca. Shina tapucpipish, Jesusca imata mana nircachu.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SAN JUAN 6:69

Ñucanchicca cantaca ña crishcanchicmi. Shinallatac canca Dios cachashca Jucha Illac cashcatapish yachanchicmi— nirca.

SAN JUAN 8:25

Chaimanta Jesusman tapushpaca: —Canca, ¿pitac cangui?— nircacuna. Shina tapucpi Jesusca: —Ñuca pi cashcataca callarillapitacmi cancunamanca huillarcani.

2 CORINTIOS 1:19

Silvanopish, Timoteopish shinallatac ñucapish cancunaman huillacushca, Diospac Churi Jesucristoca mana chai ratollatac “ari”, chai ratollatac “mana” nicchu carca. Jesucristoca Taita Dios ari nishcata pactachictacmi.

1 PEDRO 2:23

Paita c'amicpipish, mana chashnallatac c'amishpa cutichircachu. Llaquichicpipish, “cantapish llaquichishami” nishpaca mana nircachu. Chaipac randica cashcata ricushpa, taripac Diosllatac llaquichichunmi saquirca.