SAN MATEO 26:29 - Nuevo Testamento en Quichua Cañar 1996

²⁹ Ñucaca ninimi: Dios maipi mandacucpica cancunahuan mushuc vinota ubiangacamanmi, cai uvasmanta vinotaca cutinca manatac ubiasha— nirca.

Dios Rimashcata Quillcashcami

²⁹ Ñucaca: Ñuca Taita mandacucpi, cancunahuan mushuc vinota ubiangacaman, cai uvas vinotaca mana ubiashachu nini— nirca.

SAN MATEO 26:29 ပူးပေါင်းရင်းမြစ်များ

SAN MATEO 13:43

Ashtahuanpish cashcata ruhuaccunaca, inti shinami Taita Dios mandacucpica achic nicunga. Maijanpish rinrita chariccunaca, cai ñuca nishcata alli uyaichic.

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN MATEO 18:20

Maipimi ishcaillapish, quimsallapish ñuca shutipi tandanacushca canguichic, chaipimi ñucaca cani— nirca.

SAN MATEO 25:34

Ñuca alli maqui ladoman caccunataca: ‘Ñuca Taita alli nishcacuna, ñucahuan pacta mandangapac shamuichic, japinguichic. Cai mandanataca Diosmi cai pachata ruhuashca punzhamanta pacha, cancunaman cungapac allichishpa charicushca.

SAN MATEO 26:28

Cai vaso vinoca, achcacunapac juchacunata perdonashpa quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

SAN MATEO 26:30

Cantota cantashca q'uipami, Olivos urcuman rircacuna.

SAN MATEO 28:20

Ñuca cancunaman mandashpa yachachishca shinallatac, paicunapish cazuchun yachachinguichic. Ñucaca cai pacha tucuringacamanmi, cancunahuanca casha— nirca.

MARCOS 14:25

Taita Dios mandacucpi mushuc vinota ubiangacaman, cai uvas vinotaca cutinca manatac ubiashachu. Chaica chashnatacmi canga— nirca.

SAN LUCAS 12:32

Ñuca ovejacunalla, ashalla cashpapish ama manchaichicchu. Chashna ashalla cacpipish, Taita Diosca cushicushpami cancunahuan mandasha nicun.

SAN LUCAS 15:32

Cai cambac huauquica, chingarishcamantaca huañushca shinami carca. Cunan cutimushpaca, causarishca shinami. Chashna cashcamantami jatun micuita ruhuashpa, cushicuna canchic’ ” nirca.

SAN JUAN 15:11

Ima shinami ñuca cushicuni, chai shinallatac cancunapish cushicushpa yallita cushicuita charichunmi, tucui caicunataca nini.

SAN JUAN 16:22

Chai shinami cancunapish llaquiringuichic. Shina cashpapish ñuca cutin ricuricpica, cancunapac shunguca mai cushicungami. Chai cushicuitaca pi mana quichungachu.

SAN JUAN 17:13

Cunanca can maipi cashcamanmi rini. Ñuca cushi cashca shinallatac paicunapish yallita cushicuchunmi, ñucaca cai pachapi cashparac cashnaca mañani.

HECHOS 10:41

Mana tucuimanchu ricuchirca. Ñucanchic imalla ricushcata huillachun nishca, Dios ñaupaman acllashcacunallamanmi ricuchirca. Huañushcacunapuramanta Jesús causaricpica, ñucanchicca paihuanmi micurcanchic, ubiarcanchic.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

APOCALIPSIS 14:3

Chaicunaca mushuc cantotami mandashpa tiyarinapac ñaupapi, chuscu animalman ricchapac ñaupapi cantacurcacuna. Chai cantotaca pipish mana yachac chayarcachu, ashtahuanpish chai pasac chuscu chunga chuscu huaranga cai pachamanta quishpirishcacunallami yachac chayarcacuna.

APOCALIPSIS 7:17

Ashtahuanpish chai mandashpa tiyarinapac chaupipi cac Pactalla Ovejallatacmi michinga. Paillatacmi huiñai causaita cuc yacumanpish pushanga. Shinallatac tucui huiquicunatapish Taita Diosmi paicunapac ñahuicunamanta p'ichanga— nirca.