SAN MATEO 25:6 - Nuevo Testamento en Quichua Cañar 1996

⁶ Chashna suiñucucpimi, chaupi tuta shinataca: ‘¡Ñami novio shamun, tupangapac llucshichic!’ nishpa, caparishca uyarirca.

Dios Rimashcata Quillcashcami

⁶ Chashna sueñucucpimi, chaupi tutataca: “¡Ñami novio shamun, tupangapac llucshichic!” nishca uyarirca.

SAN MATEO 25:6 ပူးပေါင်းရင်းမြစ်များ

SAN MATEO 24:31

Chashna shamushpaca, ñuca angelcunatami cachasha. Trompetapi sinchita tocacpi, paicunami ñuca acllashcacunata cai pachapi tiyac mai llactacunamantapish tandachingacuna.

SAN MATEO 24:44

Chashnallatacmi Runa Tucungapac shamushca ñucaca, cancuna mana yuyashca horaspi chayamusha. Chaimantami allichirishca shuyacuna canguichic.

SAN MATEO 25:1

Chai punzhapica jahua pacha Taita Dios mandacucca, chunga solteracuna cazarac noviohuan tupangapac michata japichishpa, llucshic shinami canga.

SAN MATEO 25:31

Runa Tucungapac shamushca*f** ñuca mandangapac cutimushpaca, sumaimana cashcahuan achicyachishpa, tucui angelcunandicmi shamusha. Chashna cutimushpaca, jatun sumaimana tiyarinapimi tiyarisha.

SAN MATEO 25:5

Novio mana utca shamucpica, chai chunga solteracunaca suiñui aticpimi suiñurcacuna.

SAN MATEO 25:7

Chashna caparicta uyashpami, chunga solteracunaca jatarishpa, michata allichi callarircacuna.

SAN LUCAS 12:20

Ashtahuanpish Taita Dios paitaca: ‘Yuyai illac runa, cunan tutallatacmi huañungui. Cai tucui huacaichishcacunaca, ¿pipacshi canga?’ nirca.

SAN LUCAS 12:46

Chashna ima punzha, ima horas cutimunata mana yachashpa puricucpimi, cungailla amo chayamushpaca japinga. Chashna japishpaca, caishuc mana cazuccunata shinallatacmi, huañucta macachishpa llaquipi churanga.

1 TESALONICENSES 4:16

Mandac Dios caparishcapish, angelcunata mandac ángel caparishcapish, shinallatac Taita Diospac trompeta tocashcapish uyaringami. Chashna uyaricpica, Apunchic Jesusllatacmi jahua pachamanta shamunga. Chashna tucucpica, maijanpish Apunchic Jesusta crishpa huañuccunaracmi causaringa.

2 PEDRO 3:10

Shina cashpapish Apunchic Jesús cutimuna punzhaca shuc shuhua shamuc shinami canga. Shina cashcamanta jahua pachaca jatun manchanayaipac tulun nishca uyaricpimi tucuringa. Chaipi ima tiyaccunaca ninahuanmi tucuchishca canga. Shinallatac cai pacha allpataca, caipi tiyaccunandicmi Taita Dios taripashpaca llaquichinga.

APOCALIPSIS 16:15

Chaipica: —Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca shina, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga— nishcatami uyarcani.