SAN MATEO 25:44 - Nuevo Testamento en Quichua Cañar 1996

⁴⁴ Chashna nicpi paicunaca: ‘Apunchic Jesús, ¿maipitac can yarcaihuan cacpi, yacunayaihuan cacpi, samarinata mana charicpi, churana illac cacpi, ungushca cacpi, carcelpi cacpi, imalla illashcataca mana curcanchic?’ ningacunami.

Dios Rimashcata Quillcashcami

⁴⁴ Chashna nicpimi paicunaca: “Apunchic Jesús, ¿ima horatac can yarcaihuan cacta, yacunayaihuan cacta, samarinata mana charicta, churana illacta, ungushca cacta, carcelpi cacta, imalla illacta ricushcanchic?” ningacunami.

SAN MATEO 25:44 ပူးပေါင်းရင်းမြစ်များ

SAN MATEO 10:41

Taita Diosmanta huillac runa cacpi, chai huillacta chasquicca, Taita Diosmanta huillac runa chasquina cashcallatatacmi, chai chasquic runapish chasquinga. Cashcata ruhuac runa cacpi, chai cashcata ruhuacta chasquicca, cashcata ruhuac runa chasquina cashcallatatacmi, chai chasquic runapish chasquinga.

SAN MATEO 25:43

Samarinata maipi mana charicpipish, mana pozachircanguichicchu. Churana illac cacpipish, mana churachircanguichicchu. Ungushca cacpipish, carcelpi cacpipish, mana ricuc shamurcanguichicchu’ nishami.

SAN MATEO 25:45

Shina nicpica ñucaca: ‘Tucui caicunata cai yangalla shinacunaman mana ruhuashpaca, ñucamanmi mana ruhuarcanguichic. Chaica chashnatacmi’ nishami.

SAN MATEO 5:6

Yarcaihuan yacunayaihuan cac shina, allita ruhuashpa causanata munaccuna, ¡cushicuichic! Taita Diosmi chai munashcata pactachichunca, mana nicta carac shina cunga.

SAN MATEO 7:22

Taita Dios taripana punzhapica, taucacunami: ‘Apunchic Jesús, Apunchic Jesús, cambac shutipimi huillacurcanchic, supaicunatapish llucchircanchic, pi mana ruhuaipaccunatapish ruhuarcanchic’ ningacunami.

SAN LUCAS 10:29

Chashna nicpi, chai runaca paillatac alli ricurisha nishpami: —¿Pi shuctatac c'uyana cani?— nirca.