SAN MATEO 25:14 - Nuevo Testamento en Quichua Cañar 1996

¹⁴ Shinallatac jahua pacha Taita Dios mandacucca, shuc amo caru llactaman ringapac paipac serviccunata c'ayashpa, paipac cullquita mirachichun saquic shinami.

Dios Rimashcata Quillcashcami

¹⁴ Jahua pacha Dios mandacucca, shuc amo caru llactaman ringapac paipac serviccunata cayashpa, cullquita saquic shinami.

SAN MATEO 25:14 ပူးပေါင်းရင်းမြစ်များ

SAN MATEO 21:33

“Cai yuyaita japina parlotapish uyaichic” nishpami, Jesusca cashna nirca: —Shuc runami paipac allpapi uvas chagrata tarpurca. Chai chagra muyundictaca rumicunahuanmi pircarca. Chai q'uipaca chapangapac shuc jatun torreta shayachishpami, uvasta capishpa vinota ruhuanatapish ruhuarca. Tucui chaicunata allichishca q'uipaca, uvas p'ucucpi chaupinacungapac shuc runacunaman saquishpa, caru llactaman rirca.

MARCOS 13:34

Tucui caicunaca, shuc amo caru llactaman ric shinami. Pai manarac rishpami, paita servic runacuna imallata ruhuana cashcataca mandashpa saquin. Huasita cuidactapish ‘alli chaparangui’ nishpami saquin.

SAN LUCAS 20:9

Chashna nishca q'uipami, Jesusca tucui chaipi cac gentecunamanca cai yuyaita japina parlota parlarca: “Shuc runami uvas chagrata charirca. Chai chagra p'ucucpica, chaupinacungapacmi shuc runacunaman saquishpa, unaipi cutimungapac caru llactaman rirca.

1 CORINTIOS 12:4

Tandanacushca criccunapurapica, ch'ican ch'ican imata ruhuaccunami tiyan. Shina cacpipish chai ruhuanata cucca Diospac Espiritullami.

1 CORINTIOS 3:5

Ñucanchicca Pablo cashpa, Apolos cashpapish ima mana canchicchu, ashtahuanpish Apunchic Jesuspacta ruhuaccunallami canchic. Ñucanchic huillacpimi, cancunapish paita criccuna tucurcanguichic. Ñucanchicca Apunchic Jesús imata ruhuachun ricuchishcallata ruhuaccunami canchic.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.