SAN MATEO 24:14 - Nuevo Testamento en Quichua Cañar 1996

¹⁴ Taita Dios mandacucmanta alli huillaitaca tucui gentecuna yachachunmi, tucui llactacunapi huillashca canga. Chai q'uipami cai pachaca tucuringa.

Dios Rimashcata Quillcashcami

¹⁴ Dios mandacucmanta alli huillaica tucui llactacunapimi huillashca canga. Chai quipami cai pachaca tucuringa.

SAN MATEO 24:14 ပူးပေါင်းရင်းမြစ်များ

SAN MATEO 10:7

Cancuna rishpaca: ‘Jahua pacha Taita Diosca ñami mandagrin’ nishpa huillanguichic.

SAN MATEO 18:19

Caitapish ninimi: Maijan cancunamanta ishcai tucushpa, shuc yuyailla Taita Diosman cai pachapi imata ruhuachun mañacpica, jahua pachapi cac ñuca Taitaca ruhuangallami.

SAN MATEO 24:3

Olivos urcuman rishpa, Jesús chaipi tiyaricpimi, yachacuccuna cuchuyashpaca: —Can huillashcaca, ¿ima punzhatac pactangayari? Can shamunatapish, cai pacha tucurinatapish, ¿imata ricushpatac yachashunyari?— nishpa, paillaman tapurcacuna.

SAN MATEO 24:6

Cancunaca quiquin llactapipish, caru llactapipish ‘ima mundo macanacuicunami tiyan’ nishcatapish uyanguichicmi. Chaita uyashpapish, ama mancharinguichicchu. Chashna ima mundo llaquicunaca tiyangallatacmi. Shina cacpipish cai pachaca manarac tucuringachu.

SAN MATEO 4:23

Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

SAN MATEO 9:35

Jesusca tucui pueblocunatapish, llactacunatapish purishpami, israelcuna*f** tandanacuna huasicunapica yachachirca. Shinallatac Taita Dios mandacucmanta alli huillaita huillashpami, tucui laya ungushcacunatapish, nanaihuan caccunatapish alliyachishpa puricurca.

MARCOS 13:10

Cai pacha manarac tucuricpimi, quishpirinamanta cai alli huillaica tucui llactacunapi causaccunaman huillashca canga.

SAN LUCAS 2:1

Chai punzhacunapica Roma*f** llactata jatun mandac Augustomi, tucui pai mandacuc llactacunapi causaccunata paicunapac shuticunata quillcachichun huillachirca.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SAN LUCAS 4:5

Chashna nishca q'uipami, Satanasca jatun urcu jahuaman Jesusta pushashpa, shuc ñahui quimllaillapi cai pachapi tiyac tucui llactacunata ricuchirca.

HECHOS 1:2

Apunchic Jesusta Taita Dios manarac jahua pachaman pushacpimi, huillagrichun acllashcacunamanca Diospac Espíritu yuyaita cushpa, imalla ruhuana cashcata yachachirca.

HECHOS 11:28

Chai huillaccunapuramantaca Agabo runa shayarishpami, Diospac Espíritu yuyaita cucpi: “Tucui llactacunapi ima mana p'ucucpi yarcaimi tiyanga” nishpa huillarca. Chaica jatun mandac Claudio mandacui punzhacunapimi, chashna tucurca.

HECHOS 17:31

Taita Diosca pai acllashca punzhapimi, tucui cai pachapi causaccunataca imalla ruhuashca shinallatac taripanga. Chaita ruhuachunca, pai acllashca runatami cachanga. Chashna taripanata gentecuna yachachunmi, paitaca huañushcacunapuramanta causachirca” nirca.

HECHOS 17:6

Chai huasipi Pablota Silasta mana tarishpaca, Jasonta, caishuc criccunandic japishpa, mandaccunapac ñaupaman apashpaca: —Cai runacunaca cai pachapica maipipish llullashpamari puricuncuna. Chaipacmi caimanpish shamushcacuna.

HECHOS 19:27

Tucui cai Asia llactapi, shinallatac mai llactacunapipish, ñucanchic Diana diosca tucuipac alli nishcami. Cunanca jatun llaquimi tucugrin yuyachin. Dianata adorana huasita shitashpa, paita cungaringacunami. Shinallatac ñucanchic cullqui japinapish chingaringami— nirca.

HECHOS 20:25

Sarun punzhacunapimi, Taita Dios mandacucmantaca taucacunaman huillarcani. Chaita uyaccunaca cancunapish, shuccunapish cunanmanta pacha ña mana ñucataca ricunguichicchu. Chaica chashnatacmi canga.

ROMANOS 10:18

Shina cacpipish: “Cristomanta huillashcataca, ¿manachu uyarcacuna?” nishpami tapuni. ¡Paicunaca uyarcacunami! Dios quillcachishcapica: “Paicuna huillashcaca tucui cai pachapimi uyarishca. Shinallatac paicuna rimashcacunaca allpa tucuricamanmi uyarishca” ninmi.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

HEBREOS 1:6

Ashtahuanpish Dios quillcachishcapi Taita Dios paipac shuclla Churita cai pachaman cachasha nishpaca: “Tucui ñuca angelcuna paita alli ninguichic” ninmi.

HEBREOS 2:5

Taita Diosca ñucanchic parlacushca, chai shamuna cashca mushuc llacta mandanataca, mana angelcunamanchu curca.

APOCALIPSIS 14:6

Chai q'uipaca shuc angelmi jahuata volacucta ricurcani. Chai angelca tucui llactacunapi causaccunaman, tucui aillucunaman, tucui laya rimaita rimaccunaman, shinallatac tucui laya gentecunaman huiñaicaman tiyac alli huillaita huillangapac huillanatami charicurca.

APOCALIPSIS 16:14

Chaicunaca pi mana ruhuaipacta ruhuashpa ricuchic, supaipac millai espiritumi carca. Chaicunaca tucui cai pachapi tiyac jatun mandaccunapacman rishpami, tucui imatapish ruhuac Diospac jatun macanacuna punzhapi macanacungapac tandachigricurca.

APOCALIPSIS 3:10

Cancuna ñuca mandashcacunata pactachinataca ‘saquishallami’ ninataca mana nishcanguichicchu. Chaimantami shamuc punzhapi cai pachapi causaccuna ima shina cashcata ricungapac llaquicuna shamucpi, cancunatapish huacaichisha.