SAN MATEO 21:39 - Nuevo Testamento en Quichua Cañar 1996

³⁹ Chashna chayacpica, japishcahuanmi chagramanta canzhaman llucchishpa huañuchircacuna.

Dios Rimashcata Quillcashcami

³⁹ Chaimantami japishpa, chagramanta canzhaman llucchishpa huañuchirca.

SAN MATEO 21:39 ပူးပေါင်းရင်းမြစ်များ

SAN MATEO 21:38

Ashtahuanpish allpayucpac churi shamucucta chai chagrahuan saquiric runacuna ricushpacarin: ‘Paimi taita charishcataca japinga. Paipac randi ñucanchic japingapacca, huañuchishunchic’ ninacurcacuna.

SAN MATEO 21:40

Cunanca cancunaca, ¿imatatac yuyanguichic? Chashna ruhuashcamantaca, chai allpayuc runa shamushpaca, ¿chai chagrahuan saquiric runacunataca imatatac ruhuanga?— nishpa tapurca.

SAN MATEO 26:50

Chashna muchacpimi Jesusca: —Uyai. Can imata ruhuangapac shamushca cashpaca, ruhuailla— nirca. Shina nicpimi, paihuan shamuc runacunaca Jesusta huaicashpa japircacuna.

SAN MATEO 26:57

Jesusta japishpaca, curacunata jatun mandac Caifaspac huasimanmi aparcacuna. Chaipica mandashcacunata yachachiccunapish, cunac yuyaccunapish tandanacushcami carcacuna.

SAN JUAN 18:12

Jesustaca soldadocunapish, soldadocunata mandacpish, shinallatac Diosman mañana huasita cuidaccunapish japishpami huatarcacuna.

SAN JUAN 18:24

Chashna huactashcallatatacmi Anasca curacunata jatun mandac Caifaspacman Jesustaca cacharca.

HECHOS 2:23

Chashna cashpapish Taita Dios ñaupaman yachashca, munashca shinallatacmi, Jesustaca cancunaman cucpi, prezu japishpa, millai runacunaman chacatachun cushpa huañuchircanguichic.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

HECHOS 5:30

Cancunami Jesustaca chacatashpa huañuchircanguichic. Shina huañuchicpipish, ñucanchic ñaupa taitacunapac Mandac Diosmi paitaca causachirca.

HECHOS 7:52

Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic.

SANTIAGO 5:6

Mana juchanchipac gentecunatami, cancunaca juchanchishpa huañuchishcanguichic. Paicunaca mana c'ariyarcachu.