SAN MATEO 21:31 - Nuevo Testamento en Quichua Cañar 1996

³¹ Cai ishcaicunamantaca, ¿maijantac taita mandashcataca ruhuarca?— nishpa Jesús tapucpica, paicunaca: —Punta churiyari— nircacuna. Shina nicpi Jesusca: —Chai shinallatacmi Taita Dios mandacucmanca, Roma*f** llactaman impuestota japiccuna, shinallatac huaclli huarmicunarac cancuna manarac yaicucpi yaicungacuna. Chaica chashnatacmi.

Dios Rimashcata Quillcashcami

³¹ Cai ishcaimantaca, ¿maijantac taita mandashcataca ruhuarca?— nishpa tapurca. Chashna tapucpimi paicunaca: —Punta churiyari— nircacuna. Shina nicpimi Jesusca: —Chai shinallatacmi Dios mandacucmanca, impuestota japiccunarac, cullquimanta huainayac huarmicunarac yaicunga. Chaica chashnatacmi.

SAN MATEO 21:31 ပူးပေါင်းရင်းမြစ်များ

SAN MATEO 12:50

Maijanpish jahua pachapi cac ñuca Taita munashcata ruhuaccunallami, ñuca mama, ñuca pani, ñuca huauqui— nirca.

SAN MATEO 18:3

—Cancunaca huahuacuna yuyaita japicuc shina, mushuc yuyaita mana japishpaca, jahua pacha Taita Dios mandacucmanca mana yaicunguichicchu. Chaica chashnatacmi canga.

SAN MATEO 20:16

Chai shinallatacmi cunan punzhapi ‘allimi canchic’ niccunaca, yangalla cangacuna. Yangalla caccunaca, alli nishcami cangacuna— nishpami, Jesusca yachachirca.

SAN MATEO 21:30

Chai q'uipaca caishuc churitapish chashnallatacmi nirca. Shina nicpi paica: ‘Ari, taitito, ñami rigrini’ nirca. Shina nishpapish, mana rircachu.

SAN MATEO 5:18

Cai pachapish, jahua pachapish tucuringacamanca, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

SAN MATEO 5:46

Cancuna maijan c'uyaccunallata c'uyashpaca, ¿ima allitatac Taita Diosmantaca japinguichicyari? Chashnacarin Roma*f** llactaman impuestota japiccunapish ruhuancunallami.

SAN MATEO 6:5

Cancuna Taita Diosman mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchun nishpallami, plaza esquinacunapi, tandanacuna huasicunapi shayarishpa mañanata munancuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 7:21

Ñucata ‘Apunchic Jesús, Apunchic Jesús’ niccunamantaca, mana tucuichu jahua pacha Taita Dios mandacucmanca yaicungacuna, ashtahuanpish jahua pachapi cac ñuca Taita munashcata ruhuaccunallami chaimanca yaicungacuna.

SAN MATEO 9:9

Chaimanta Jesús rishpaca, Mateo runatami Roma*f** llactaman impuestota japishpa, chasquina mizapi tiyacucta ricurca. Chaipi tiyacucta ricushpami: —Jacu ñucahuan— nirca. Chashna nicpi, Mateoca jatarishcahuan c'atishpa rircallami.

SAN LUCAS 15:10

Cancunaman huillanimi: Chashnallatacmi shuc juchayuc llaquirishpa Diosman cutiricpica, Taita Diospac angelcunapish mai cushicuncuna” nirca.

SAN LUCAS 19:22

Chashna nicpi chai mandacca: ‘Mana allita ruhuac runami cangui. Chashna nishpaca, canllatacmi llaquita apangui. Ñuca nishcahuanca manapish cushpa chasquiclla cashcata, manapish tarpushcata tandaclla cashcataca yachashcanguimi.

SAN LUCAS 7:29

(Juan huillashcata uyashpami, tucui chaipi cac gentecunapish, impuestota japiccunacaman Taita Dios cashcata ruhuac cashcata yachashpa Juan bautizacucpica, paicunapish bautizarircacuna.

SAN JUAN 3:3

Shina nicpi Jesusca: —Maijanpish mana cutin huacharicca, Taita Dios mandacuctaca mana ricungachu. Chaica chashnatacmi canga— nirca.

SAN JUAN 3:5

Shina nicpi, Jesusca cashnami nirca: —Maijanpish yacuhuan, Diospac Espirituhuan mana huacharicca, Dios mandacucmanca manatac yaicungachu. Chaica chashnatacmi canga.

HECHOS 17:30

Cai pachapi causaccunaca Taita Diosta mana ricsishcamanta paicunapac munaita ruhuashpa causacucpipish, Taita Diosca cunancamanca mana llaquichishcachu. Cunanca tucui cai pachapi causaccuna juchayuc cashcamanta llaquirishpa, paipacman cutirichun nishpami mandacun.

ROMANOS 3:19

Taita Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata cazuccunaman huillacun. Chaitaca yachanchicmi.

ROMANOS 5:20

Mandashcacunata Dios cucpica, juchaca ashtahuanmi mirarirca. Chashna miraricpicarin, Taita Diosca ashtahuanmi c'uyaita ricuchirca.

2 PEDRO 3:9

Maijanca: “Apunchic Jesusca mana utca cutimungachu” nicucpipish, pai nishca shinami utca cutimunga. Shina cacpipish cancunata llaquishcamanta, shucllapish ama chingarishpa Taita Diosman tigrarichunmi, paica manarac cutimun.