SAN MATEO 21:28 - Nuevo Testamento en Quichua Cañar 1996

²⁸ Cai parlomanta Jesús tapushpaca: —¿Imatatac cancunaca yuyanguichic? Shuc taitami ishcai churita charirca. Chaimanta shuc churitaca: ‘Huahua, ri, chagrapi ima ruhuana cashcata ruhuagri’ nirca.

Dios Rimashcata Quillcashcami

²⁸ Jesusca: —Caitami parlagrini. Chaimanta ¿imatatac yuyanguichic? Shuc taitami ishcai churita charirca. Chaimantami shuc churitaca: “Huahua, chagrapi trabajangapac ri” nirca.

SAN MATEO 21:28 ပူးပေါင်းရင်းမြစ်များ

SAN MATEO 17:25

Shina nicpi Pedroca: —Ari, cunllami— nirca. Chashna nishca q'uipa Pedro huasiman chayacpica, Jesusracmi Pedroman tapushpaca: —¿Canca imatatac yuyangui, Simón? Cai pacha mandaccunaca, ¿paicuna mandashpa causaccunamantachu impuestotaca chasquincuna? Mana cashpaca, ¿carumanta shamuccunamantachu chasquincuna?— nirca.

SAN MATEO 20:1

Jahua pacha Taita Dios mandacucca, shuc chagrayuc amo paipac uvas chagrata pallachingapac, tutamanta utca gentecunata mashcangapac llucshic shinami.

SAN MATEO 21:27

Chashna parlanacushpami Jesustaca: —Mana yachanchicchu— nircacuna. Shina nicpi Jesusca: —Shinashpaca, ñucapish pi mandacpi chashna ruhuacushcataca mana huillashachu— nirca.

SAN MATEO 21:29

Shina nicpi chai churica: ‘Mana risha ninichu’ nircami. Chashna nishpapish, q'uipata yuyarishpaca rircallami.

SAN MATEO 21:33

“Cai yuyaita japina parlotapish uyaichic” nishpami, Jesusca cashna nirca: —Shuc runami paipac allpapi uvas chagrata tarpurca. Chai chagra muyundictaca rumicunahuanmi pircarca. Chai q'uipaca chapangapac shuc jatun torreta shayachishpami, uvasta capishpa vinota ruhuanatapish ruhuarca. Tucui chaicunata allichishca q'uipaca, uvas p'ucucpi chaupinacungapac shuc runacunaman saquishpa, caru llactaman rirca.

SAN MATEO 22:17

Chaimantami cashna tapuc shamunchic: Roma*f** llactata jatun mandac Cesarman*f** impuestotaca paganaca, ¿mandashcapi nishca shinaca alli canga? Mana cashpaca, ¿manachu alli canga?— nishpa tapurcacuna.

MARCOS 13:34

Tucui caicunaca, shuc amo caru llactaman ric shinami. Pai manarac rishpami, paita servic runacuna imallata ruhuana cashcataca mandashpa saquin. Huasita cuidactapish ‘alli chaparangui’ nishpami saquin.

SAN LUCAS 13:4

Shinallatac Siloepi jatun torre tigracpi, chunga pusacta ñitishca huañuccunaca, ¿‘paicuna tucui Jerusalenpi causaccunamanta yalli juchayuccuna cashcamantami chashna llaqui tucushca canga’ yuyanguichicchu?

1 CORINTIOS 10:15

Yachaccunata shinami cancunataca rimani. Ñuca nishcata uyashpaca, cancunallatac yuyarichic.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.