SAN MATEO 20:21 - Nuevo Testamento en Quichua Cañar 1996

²¹ Chashna cunguricpimi Jesusca: —¿Imatatac ningui?— nicpi chai huarmica: —Ñuca huahuacunata can mandanapi shuctacca cambac alli maquiman, shuctacca cambac lluqui maquiman tiyachinguiyari— nishpa mañarca.

Dios Rimashcata Quillcashcami

²¹ Chashna mañacpimi Jesusca: —¿Imatatac ningui?— nirca. Chashna nicpimi chai huarmica: —Ñuca huahuacunata can mandanapi shuctaca cambac alli maquiman, shuctaca cambac lluqui maquiman tiyachingui— nirca.

SAN MATEO 20:21 ပူးပေါင်းရင်းမြစ်များ

SAN MATEO 18:1

Chai pachallatacmi yachacuccuna Jesuspacman cuchuyashpaca: —Jahua pacha Taita Dios mandacucpica, ¿maijanshi ashtahuan alli nishca canchic?— nishpa tapunacurcacuna.

SAN MATEO 19:28

Chaimantami Jesusca cashna nirca: —Cai pachata Taita Dios mushucta ruhuacucpimi, Runa Tucungapac shamushca*f** ñucaca, sumaimana achicllapi mandai callarisha. Chaipica cancunapish ñucata c'aticcuna cashcamantaca, chunga ishcai mandaccuna mandashpa tiyarinacunapi tiyarishpami, chunga ishcai Israel*f** aillucunata mandanguichic. Chaica chashnatacmi canga.

SAN MATEO 20:22

Chashna nicpi Jesusca: —Cancuna imata mañacushcataca, mana yachanguichicchu. ¿Cancunaca jayacta ubiac shina llaquicunata ñuca shina apai pudinguichicchu?— nirca. Chashna nicpi paicunaca: —Ari, chashna ruhuashunllami- nirca.

SAN MATEO 20:32

Chaimantami Jesús shayarishpa, paicunata c'ayashpaca: —¿Ñucataca imatatac ruhuachun ninguichic?— nishpa tapurca.

MARCOS 10:51

Chashna chayaricpi Jesusca: —¿Imatatac ruhuachun ningui?— nishpa tapurca. Shina nicpi chai ñahui mana ricuc runaca: —Yachichic, ñuca ñahuicunata alliyachishpa cui— nirca.

MARCOS 16:19

Apunchic Jesús paipac yachacuccunata chashna mandashca q'uipaca, Taita Dios paita pushacpimi, jahua pachaman rirca. Chaipimi paipac alli lado maquiman tiyarirca.

MARCOS 6:22

Chaipica Herodiaspac huahua solterami chai c'ayashca gentecuna micucuc ucuman yaicushpa, bailai callarirca. Chashna bailacta ricushpami, Herodesca paihuan micucuccunandic cushicurca. Chaimantami mandac Herodesca chai solterataca: —Can imata munashpapish mañailla. Can imata nicpipish, cushallami.

SAN LUCAS 18:41

—¿Imatatac ruhuachun ningui?— nishpa tapurca. Shina nicpi chai runaca: —Apunchic Jesús, ñuca ñahuita alliyachishpa cui— nishpa mañarca.

SAN LUCAS 19:11

Jesús ña Jerusalenman chayagricushcamantami, chai tucuita uyacuccunaca: “Taita Dios mandanaca ñami chayamugrin” nishpa yuyarcacuna. Chaimantami Jesusca cai yuyaita japina parlota parlarca:

SAN LUCAS 22:24

Chai q'uipami Jesuspac yachacuccunaca: —Mandangapacca, ¿maijantac ashtahuan alli canchic?— nishpa, caishuc chaishuc rimanacurcacuna.

SAN JUAN 15:7

Cancuna ñucahuan cashpa, shinallatac ñuca yachachishcacunata cazushpa c'atirashpaca, imatapish mañaichiclla, ñuca Taitaca cungallami.

HECHOS 1:6

Chaipi tandanacushca caccunami Jesustaca: —Apunchic Jesús, ¿cunanllatacchu Israel*f** llactataca, ñucanchicpurallatac cutin mandachun cungui?— nishpa tapurcacuna.

ROMANOS 12:10

Crishcamanta huauquindicpura cashcamantami, caishuc chaishuchuan c'uyanacuna canguichic. Shuccunaca quiquinta yalli cashcata yuyashpa, allimi nishpa yuyanami canguichic.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

COLOSENSES 3:1

Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Taita Diospac alli maqui ladoman tiyacun.