SAN MATEO 20:14 - Nuevo Testamento en Quichua Cañar 1996

¹⁴ Chaimanta can japina cashca cullquita japishpa ri. Ñucaca cai q'uipata pallangapac yaicuccunapish, canhuan pacta cullquita japichunmi munani.

Dios Rimashcata Quillcashcami

¹⁴ Cunanca cambac pagota japishpa ri. Ñucaca cai quipata pallangapac yaicuccunamanpish, canhuan pacta paganatami munani.

SAN MATEO 20:14 ပူးပေါင်းရင်းမြစ်များ

SAN MATEO 20:13

Chashna nicpi amoca paicunapuramanta shucta c'ayashpaca: ‘Uyai, cantaca ima mana allitaca mana ruhuashcanichu. ¿Manachu shuc punzha mashna cullquita pagana cashcataca parlanacurcanchic?

SAN MATEO 20:15

Ñuca cullquihuanca, imata ruhuasha nishpapish ruhuashallami. Chashna alli cashpa tucuiman cucpica, ¿ama cuchun nishpachu p'iñaringui?’ nirca.

SAN MATEO 6:16

Cancuna ayunashpaca, ama chai mishqui shimi, jayac shungucuna shina, llaquilla ñahui tucushpa ayunaichicchu. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:2

Chaimanta can huacchacunaman imata cushpaca, ama gentecuna alli nichunlla pimanpish parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish gentecuna alli nichun nishpa, parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:6

Chaimanta can Taita Diosman mañashpaca, ucuman yaicui, punguta huichcai, cambac Taita Diosman pacalla mañai. Can pacallapi mañacushcatapish ricuc Taita Diosca, can japina cashcataca cungami.

SAN LUCAS 15:31

Chashna nicpi taitaca: ‘Huahua, canca tucui punzhacuna ñucahuan cashcamantaca, tucui ñuca imalla charishcacunaca cambacmi.

SAN LUCAS 16:25

Chashna caparicpi Abrahamca: ‘Huahua, can causacushpaca, alli sumactami causarcangui. Chaitaca yuyariyari. Cunanca llaquitami apacungui. Ashtahuanpish Lazaroca llaquitami causarca. Cunanca caipica cushicushpami tiyacun.

SAN JUAN 17:2

Canca huiñai causaita ñucaman cushcacunaman cuchunmi, tucui gentecunataca ñuca maquipi churashcangui.

ROMANOS 3:19

Taita Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata cazuccunaman huillacun. Chaitaca yachanchicmi.

ROMANOS 3:4

¡Chaica mana chashnachu! Tucui gentecuna llullac cacpipish, Taita Diosca ima nishcata pactachic cashcamantaca pactachingami. Dios quillcachishcapica: “Can imata nishcapish allillatacmi canga. Canman imata tapucpipish, mana juchanchishcachu llucshingui” ninmi.