SAN MATEO 2:4 - Nuevo Testamento en Quichua Cañar 1996

⁴ Chaimantami Herodesca Israel*f** curacunata mandac curacunata, shinallatac mandashcacunata yachachiccunata c'ayashpaca: —¿Maipitac Quishpichic Cristoca huacharinga?— nishpa tapurca.

Dios Rimashcata Quillcashcami

⁴ Chaimantami Herodesca Israel curacunata mandac curacunatapish, mandashcacunata yachachiccunatapish cayashpaca: —¿Maipitac Quishpichic Cristoca huacharinga?— nirca.

SAN MATEO 2:4 ပူးပေါင်းရင်းမြစ်များ

SAN MATEO 13:52

Chashna nicpi Jesusca: —Shinashpaca, jahua pacha Taita Dios mandacucmanta yachachiccuna yachachicpica, shuc taita paipac huasimanta imalla huacaichishpa charishcacunata mushuctapish, maucatapish canzhaman llucchic shinami— nirca.

SAN MATEO 2:3

Chaita uyashpami, mandac Herodesca ima mundota mancharirca. Jerusalenpi causaccunapish, chashnallatacmi mancharircacuna.

SAN MATEO 2:5

Chashna tapucpimi paicunaca: —‘Judea llactapi tiyac Belén pueblopimi huacharinga’ nishpami, Diosmanta ñaupa huillacca cashna quillcashca:

SAN MATEO 21:15

Diosman mañana huasipi chashna sumacta ruhuacta ricushpa, shinallatac huahuacuna “Mandac Davidpac aillupuramanta Apunchic Jesús, ¡canca allimari cangui!” nicta uyashpami, curacunata mandac curacunapish, mandashcacunata yachachiccunapish Jesushuanca munai p'iñarircacuna.

SAN MATEO 21:23

Chai q'uipami Jesusca Diosman mañana huasiman yaicushpa, chaipi yachachicurca. Chashna yachachicucpimi, Israel*f** curacunata mandac curacunapish, cunac yuyaccunapish Jesuspacman cuchuyashpaca: —¿Pi mandacpitac chashna ruhuacungui? ¿Pitac cantaca chashna ruhuachun mandarca?— nishpa tapurcacuna.

SAN MATEO 26:3

Chai punzhacunapimi Israel*f** curacunata mandac curacunapish, cunac yuyaccunapish, curacunata jatun mandac Caifaspac huasipi tandanacurcacuna.

SAN MATEO 26:47

Jesús chashna nicucpiracmi, chunga ishcai yachacuccunapuramanta Judasca, tauca runacunahuan shamurca. Chai runacunaca curacunata mandac curacunapish, cunac yuyaccunapish cachacpimi espadacunahuan, caspicunahuan Jesusta japingapac shamurcacuna.

SAN MATEO 27:1

Tutamanta ña pacarimucucpimi, curacunata mandac tucui curacunapish, israelcunata*f** cunac yuyaccunapish Jesusta ima shina huañuchinata yuyarinacurcacuna.

SAN MATEO 7:29

Jesusca mandashcacunata yachachiccuna shinallaca mana yachachircachu, ashtahuanpish paillatac mandac cashpami, allita yachachirca.

MARCOS 8:31

Jesusca cashna nishpami, paipac yachacuccunamanca yachachi callarirca: —Runa Tucungapac shamushca*f** ñucaca, achca llaquicunata apanami cani. Curacunata mandac curacunapish, cunac yuyaccunapish, mandashcacunata yachachiccunapish ñucataca manatac ricunachishpa huañuchingacunami. Shina huañuchicpipish, quimsa punzhapica causarishallami— nirca.

SAN LUCAS 20:19

“Jesusca yuyaita japina parlohuanca ñucanchictami rimacun” nishpami, curacunata mandac curacunapish, mandashcacunata yachachiccunapish p'iñarishpa: “Cunancarin, huañuchichingapac japichishun” nircacuna. Shina ninacushpapish, gentecunata manchashpami, mana imata ruhuarcacuna.

SAN LUCAS 23:10

Curacunata mandac curacunapish, mandashcacunata yachachiccunapish chaillapitacmi carcacuna. Paicunaca caita chaita nishpami, Jesustaca munai juchanchircacuna.

SAN JUAN 18:3

Shina cashcamantami Judasca achca soldadocunahuan, curacunata mandac curacunahuan, shinallatac fariseocuna*f** cachashca Diosman mañana huasita cuidaccunahuanpish chaiman chayarcacuna. Chai riccunaca macanacungapac macanacunahuan, michacunahuan, shinallatac linternacunahuanpish chayarcacuna.

SAN JUAN 3:10

Shina nicpi, Jesusca cashnami nirca: —¿Canca israelcunapurapi yachachic cashca jahuachu, caicunataca mana yachangui?

SAN JUAN 7:32

Gentecuna Jesusta cashnami, chashnami ninacucta fariseocuna*f** uyashpami fariseocunapish, curacunata mandac curacunapish soldadocunata japimuchun cacharcacuna.

SAN JUAN 8:3

Chaimanmi shuc huarmi cazarashca jahua shuc-huan chayarinacucta japishpa, mandashcacunata yachachiccunapish, fariseocunapish*f** apamurcacuna. Chashna apamushpa, tucui chaipi caccunapac ñaupapi churashpami:

HECHOS 23:9

Paicuna huaicashpa caparinacucpimi, mandashcacunata yachachic*f** maijan fariseocuna jatarishpaca: —Cai runata juchanchingapacca, ima mana allita mana tarinchicchu, ashtahuanpish espíritu, mana cashpaca angelmi, paihuan rimashca canga. Chaimanta Taita Diostaca mana p'iñachinachu canchic— nircacuna.

HECHOS 4:5

Cayandic punzhaca israelcunata*f** mandaccunapish, cunac yuyaccunapish, mandashcacunata yachachiccunapish Jerusalenpimi tandanacurcacuna.

HECHOS 6:12

Paicuna chashna llullacpimi, israelcunata cunac yuyaccunapish, mandashcacunata yachachiccunapish, tucui chaipi caccunapish Estebanta p'iñai callarircacuna. Chaimantami paita japishpa, mandaccunapuralla tandanacushcapacman aparcacuna.