SAN MATEO 18:28 - Nuevo Testamento en Quichua Cañar 1996

²⁸ Shina cachacpi chai runa chaimanta rishpaca, paiman ashalla cullquita debic runahuan tupashpami: ‘¡Debita cutichi!’ nishpa, cungacarashpa sipi callarirca.

Dios Rimashcata Quillcashcami

²⁸ Chai servic chaimanta rishpaca, paiman ashalla cullquita debic runahuanmi tuparca. Chashna tupashpaca: “¡Debita cutichi!” nishpami, cungapi japirishpa sipi callarirca.

SAN MATEO 18:28 ပူးပေါင်းရင်းမြစ်များ

SAN MATEO 18:27

Shina nicpi, chai mandacca paita llaquishpami: ‘Shinashpaca saquilla, ama cutichichu’ nishpa cacharca.

SAN MATEO 18:29

Chashna ruhuacpi, chai ashalla cullquita debic runaca paipac ñaupapi cungurishpami: ‘Ashata shuyai, ñuca debishcataca tucui cutichishallami’ nishpa, mailla mañarca.

SAN MATEO 20:2

Ña tarishpaca, paicuna shuc punzhapi mashna cullquita japina cashcata parlashpami, paipac chagrapi uvasta pallachun cacharca.

MARCOS 14:5

Chaitaca quimsa pasac yalli denario*f** cullquipi c'atushpa, huacchacunaman cushpachari, alli canman carca— nishpami, chai huarmitaca sinchita rimarcacuna.

MARCOS 6:37

Shina nicpi Jesusca: —Cancunallatac micunataca caraichic— nirca. Shina nicpimi: —¿Ishcai pasac denario*f** cullquihuanchu tandata randimugrichun ningui, imatacyari?— nishpa, paipac yachacuccunaca tapurcacuna.

SAN LUCAS 10:35

Cayandic punzha chai Samaria runa ña rigrishpaca, ishcai denario*f** cullquita chai huasiyucman cushpami: ‘Cai runata cuidashpa cungui. Cai cullquimanta yalli imapi yaicucpipish, ñuca cutimushpaca cushallami’ nishpami saquirca.

SAN LUCAS 7:41

Chashna nicpi Jesusca: —Ishcai runacunami cullquita mañachic shuc runaman cullquita mañashcata charirca. Shucca pichca pasac denario*f** cullquita, caishucca pichca chunga denario cullquitami mañashcata charirca.

SAN JUAN 6:7

Shina nicpi Felipeca: —Ishcai pasac denario*f** cullquihuan randishca tandapish, shinachari asha ashalla carangapacllapish mana pactangachu— nirca.