SAN MATEO 17:27 - Nuevo Testamento en Quichua Cañar 1996

²⁷ Ashtahuanpish impuestota japiccunata mana p'iñachingapacca, cuchaman ri. Chaiman chayashpaca, anzuelota shitangui. Maijan pescadoracmi japi tucun, chaipac shimipimi cullquita taringui. Chai cullquita apashpa, impuestota japiccunaman canmantapish, ñucamantapish cugringui— nirca.

Dios Rimashcata Quillcashcami

²⁷ Ashtahuanpish impuestota japiccunata mana piñachingapacca, cuchaman ri. Chaiman chayashpaca, anzuelota shitangui. Punta japishca challua shimipimi cullquita taringui. Chaita canmantapish, ñucamantapish impuestota cungui— nirca.

SAN MATEO 17:27 ပူးပေါင်းရင်းမြစ်များ

SAN MATEO 17:26

Shina nicpi Pedroca: —Carumanta shamuccunallamantami chasquincuna— nirca. Shina nicpi Jesusca: —Shinashpaca, quiquin llactapi causaccunaca mana paganachu canchic.

SAN MATEO 18:6

Maijanpish cai uchilla huahua shina ñucata c'aticcunata juchapi urmachictaca, shuc jatun cutana rumita cungapi huatashpa, jatun cucha chaupipi shitanami ashtahuan alli canman.

SAN MATEO 18:8

Chaimanta cambac maqui, cambac chaqui ima juchapi urmachisha nicpica, p'itishpa shitangui. Ishcai chaquindic, ishcai maquindic mana huañuc ninapi shitashca canapac randica, chulla chaquilla, chulla maquilla jahua pachapi causangapac yaicunami canmanca ashtahuan alli canga.

SAN MATEO 5:29

Chashna cashcamanta cambac alli lado ñahui juchapi urmachisha nicpica, surcushpa shitangui. Can quiquinllatac ucu pacha ninaman shitashca canapac randica, chulla ñahuillata chingachinami canmanca ashtahuan alli canga.

SAN MATEO 5:30

Shinallatac cambac alli lado maqui juchapi urmachisha nicpica, p'itishpa shitangui. Can quiquinllatac ucu pacha ninapi shitashca canapac randica, cambac chulla maquillata chingachinami ashtahuan alli canga.

MARCOS 9:42

Maijanpish cai uchillacuna shina ñucata criccunata ama c'atichun nishpa pandachictaca, jatun cutana rumita paipac cungapi huatashpa, jatun cuchapi shitanami ashtahuan alli canman.

MARCOS 9:43

Chaimanta cambac maqui ima juchapi urmachisha nicpica, p'itishpa shitangui. Ishcai maquindic ucu pacha mana huañuc ninaman rinapac randica, shuclla maquihuan jahua pachapi causangapac yaicunami canmanca ashtahuan alli canga.

SAN LUCAS 17:2

Huahuacuna shina ñucata criccunata maijanpish juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

SAN JUAN 6:61

Paicuna chashna ninacucta Jesús uyashpami, cashna nishpa tapurca: —¿Cai ñuca nishcaca llaquichinchu, imatacyari?

ROMANOS 14:21

Shuctac criccuna ama pandarichunca aichatapish mana micushpa, vinotapish mana ubiashpa, shinallatac ima shuctaccunatapish mana ruhuashpami ashtahuan alli canman.

1 CORINTIOS 8:13

Shina cashcamanta ruhuashcalla dioscunaman cushca aichata ñuca micushcallamanta shuc cric pandarina cacpica, paita mana pandachingapacca chai aichataca mana micunachu cani.

1 CORINTIOS 8:9

Shina cacpipish micunallami nishpa micushpaca, pacta caishuc manarac sinchi criccunata pandachinguichicman.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

1 TESALONICENSES 5:22

Tucui laya mana allicunamanta anchurichic.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.