SAN MATEO 17:12 - Nuevo Testamento en Quichua Cañar 1996

¹² Shina cacpipish ñucaca cashnami nini: Eliasca ñami shamurca. Chashna shamucpipish, paita mana ricsishpami p'iñashpa, paicuna munashcata ruhuarcacuna. Shinallatacmi Runa Tucungapac shamushca ñucapish, paicunapac maquipi llaquita apana cani— nirca.

Dios Rimashcata Quillcashcami

¹² Shina cacpipish ñucaca: Eliasca ñami shamurca. Paita mana ricsishpami piñashpa, paicuna munashcata ruhuarca. Shinallatacmi Runa Tucungapac shamushca ñucapish, paicunapac maquipi llaquita apana cani— nirca.

SAN MATEO 17:12 ပူးပေါင်းရင်းမြစ်များ

SAN MATEO 11:2

Quishpichic Cristo imata ruhuashpa puricushcataca, Bautizac Juanca carcelpi cashpami, yachac chayarca. Chashna yachashpami, paipac yachacuccunapuramanta maijancunata Jesusman tapuchun cacharca.

SAN MATEO 16:21

Chashna nishca q'uipallatacmi, Jesusca paipac yachacuccunamanca cashna nishpa yachachi callarirca: —Jerusalén pueblomanmi rina cani. Chaipimi curacunata mandac curacunapish, cunac yuyaccunapish, mandashcacunata yachachiccunapish llaquichicpi, mai llaquita apashpa huañuna cani. Shina cashpapish quimsa punzhapica causarishallami— nirca.

SAN MATEO 17:11

Shina nicpi Jesusca: —Ari, Eliasracmi shamunga. Pai shamushpami, tucuita allichinga.

SAN MATEO 17:13

Jesús chashna nicpimi, yachacuccunaca Bautizac Juanmanta parlacushcata entendircacuna.

SAN MATEO 17:22

Galilea llactata Jesús paipac yachacuccunahuan puricushpaca: —Runa Tucungapac shamushca*f** ñucataca, runacunaman japichingacunami.

SAN MATEO 17:9

Jesús yachacuccunandic urcumanta cutishpaca: —Cai cancuna ricushcataca, Runa Tucungapac shamushca*f** ñuca huañushpa, causaringacaman pacta piman huillanguichicman— nishpami mandarca.

SAN MATEO 21:32

Bautizac Juanca Dios munashca shina alli causanata yachachingapacmi shamurca. Shina cacpipish cancunaca mana crircanguichicchu, ashtahuanpish impuestota japiccuna, shinallatac huaclli huarmicunaracmi crircacuna. Cancunaca chaita ricushpapish mana crishcamantami, juchayuc cashcamanta llaquirishpa Taita Diosman mana cutirircanguichic— nirca.

SAN MATEO 8:20

Chashna nicpi Jesusca: —Atuccunapish, maipi suiñuna jutcuta charinmi. Zhutacunapish, maipi suiñuna c'uzhata charinmi. Ashtahuanpish Runa Tucungapac shamushca*f** ñucaca, maipi umata samachinallatapish mana charinichu— nirca.

SAN LUCAS 7:33

Chashnallatacmi vinota mana ubiac, micunatapish mana micuc Bautizac Juan shamucpica, cancuna paitaca: ‘Supaihuanmi can’ ninguichicmi.

SAN JUAN 1:11

Paipac gentecunapacmanmi shamurca. Shina shamucpipish, paipac gentecunaca mana chasquircachu.

HECHOS 2:23

Chashna cashpapish Taita Dios ñaupaman yachashca, munashca shinallatacmi, Jesustaca cancunaman cucpi, prezu japishpa, millai runacunaman chacatachun cushpa huañuchircanguichic.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

HECHOS 7:52

Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic.