SAN MATEO 16:13 - Nuevo Testamento en Quichua Cañar 1996

¹³ Jesusca Cesarea Filipo pueblo cuchullaman chayashpami, paipac yachacuccunamanca: —Runa Tucungapac shamushca*f** ñucataca, ¿pi cashcatatac gentecunaca yuyancuna?— nishpa tapurca.

Dios Rimashcata Quillcashcami

¹³ Jesús cuchulla Filipo mandacuc Cesarea puebloman chayashpa, paipac yachacuccunataca: —Runa Tucungapac shamushca ñucataca, ¿pi cashcatatac gentecunaca yuyan?— nirca.

SAN MATEO 16:13 ပူးပေါင်းရင်းမြစ်များ

SAN MATEO 12:32

Shinallatac Runa Tucungapac shamushca*f** ñucata mana alli nishpa rimactapish, Taita Diosca perdonangami. Ashtahuanpish Diospac Espirituta mana alli nishpa rimactaca, cai pachapipish, q'uipa punzhapipish Taita Diosca manatac perdonangachu.

SAN MATEO 12:40

Ima shinami Jonás quimsa tutata, quimsa punzhata shuc jatun pescadopac huicsapi carca, chashnallatacmi Runa Tucungapac shamushca*f** ñucaca, quimsa tutata, quimsa punzhata allpa ucupi casha.

SAN MATEO 12:8

Runa Tucungapac shamushca*f** ñucaca, samana punzha cacpipish, mandai pudinimi— nirca.

SAN MATEO 13:37

Chashna tapucpi Jesusca: —Alli muyuta jichac shinaca, Runa Tucungapac shamushca*f** ñucami cani.

SAN MATEO 13:41

Runa Tucungapac shamushca ñucami, ñuca mandashca causaccunapurapi mana alli ruhuaccunatapish, shuccunata pandachiccunatapish tandachichun, ñuca angelcunata cachasha.

SAN MATEO 15:21

Jesús chai llactamanta rishpaca, Tiro, shinallatac Sidón pueblocuna tiyac llactamanmi chayarca.

SAN MATEO 16:27

Ashtahuanpish Runa Tucungapac shamushca*f** ñucaca, ñuca Taitapac sumaimana achiclla cashcahuan, shinallatac paipac angelcunahuan cutimushpaca, tucuimanmi imata ruhuashca shinallatac ricushpa cusha.

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN MATEO 25:31

Runa Tucungapac shamushca*f** ñuca mandangapac cutimushpaca, sumaimana cashcahuan achicyachishpa, tucui angelcunandicmi shamusha. Chashna cutimushpaca, jatun sumaimana tiyarinapimi tiyarisha.

SAN MATEO 8:20

Chashna nicpi Jesusca: —Atuccunapish, maipi suiñuna jutcuta charinmi. Zhutacunapish, maipi suiñuna c'uzhata charinmi. Ashtahuanpish Runa Tucungapac shamushca*f** ñucaca, maipi umata samachinallatapish mana charinichu— nirca.

SAN MATEO 9:6

Runa Tucungapac shamushca*f** ñucaca cai pachapi juchacunata perdonaclla cashcata cancuna yachachunmi, cai runataca: ‘Jatari, canta huandumushca chacanata apashpa, cambac huasiman rilla’ nini— nirca.

MARCOS 10:45

Runa Tucungapac shamushca*f** ñucaca, mana servichingapacchu shamurcani, ashtahuanpish servingapac, shinallatac achcacunamanta huañushpa quishpichingapacmi shamurcani— nirca.

MARCOS 8:38

Maijanpish cai pachapi Diosta mana cazuc, juchayuc gentecunapac ñaupapi ñucamanta huillanata, shinallatac ñuca huillashcacunamantapish huillanata pingacpica, Runa Tucungapac shamushca*f** ñucapish ñuca Taitapac sumaimana achiclla cashcahuan, paipac sumac jucha illac angelcunahuan achicyachishpa cutimushpaca, chai pingacmantaca pingashami— nirca.

SAN JUAN 1:51

Shinallatac Jesusca: —Jahua pacha pascaricpi, Diospac angelcuna Runa Tucungapac shamushca*f** ñucapacman huichicucta, uricuctami ricunguichic. Chaica chashnatacmi canga— nirca.

SAN JUAN 12:34

Shina nicpi, chaipi caccunaca: —Dios quillcachishcapica: ‘Quishpichic Cristo shamushpami, huiñaita causanga’ ninmi. Canca, ¿ima shinatac ‘Runa Tucungapac shamushcaca caspipi huarcushcami canga’ ninguiyari? ¿Pitac chai Runa Tucungapac shamushca nishcaca?— nircacuna.

SAN JUAN 3:14

Ima shinami Moisés shitashca pambapi broncemanta ruhuashca culebrata caspipi jahuaman huarcushpa ricuchirca, shinallatacmi Runa Tucungapac shamushca ñucapish, caspipi jahuaman huarcushca cana cani.

SAN JUAN 5:27

Runa Tucungapac shamushca*f** ñuca cashcamantami, ñuca Taitaca taripana cashcataca ñucaman curca.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

HECHOS 7:56

Chashna ricushpami, Estebanca: —Riquichic. Ñucaca jahua pacha pascarishpa, Runa Tucungapac shamushca*f** Jesusta Taita Diospac alli lado maquiman shayacuctami ricuni— nirca.