SAN MATEO 14:27 - Nuevo Testamento en Quichua Cañar 1996

²⁷ Shina mancharicucpimi Jesusca: —Upallaichic, ñucami cani. Ama mancharichicchu— nirca.

Dios Rimashcata Quillcashcami

²⁷ Shina mancharicucpimi Jesusca: —Ama mancharichicchu, sinchicuichic, ñucami cani— nirca.

SAN MATEO 14:27 ပူးပေါင်းရင်းမြစ်များ

SAN MATEO 14:28

Shina nicpi Pedroca: —Apunchic Jesús can cashpaca, ñucatapish yacu jahuata cambacman shamuchun niyari— nicpi Jesusca:

SAN MATEO 17:7

Shina mancharicucpi Jesús cuchuyashpa tuparishpaca: —Jatarichic, ama mancharichicchu— nirca.

SAN MATEO 28:10

Chashna ruhuacpica Jesusca: —Ama mancharichicchu. Cunanca richic, ñucata c'atic huauquicunaman huillagrichic: ‘Galilea llactaman rishpa, chaipimi ñucataca ricunguichic’ ninmi, nigrichic— nirca.

SAN MATEO 28:5

Chai huarmicunataca angelca: —Ama mancharichicchu. Cruzpi chacatashpa huañuchishca Jesusta mashcacushcataca yachanimi.

SAN MATEO 9:2

Chashna chayacpica, mana cuyuricta ruhuac ung:ui japishca runatami shuc chacanapi churashpa apamurcacuna. Tucui shunguhuan “jambingami” nishpa crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca ña perdonanimi— nirca.

MARCOS 6:50

Chaitaca tucui paipac yachacuccunami ricurca. Chaimantami munai mancharircacuna. Ashtahuanpish Jesusca paicunata rimashpaca: —¡Upallaichic, ñucami cani! ¡Ama mancharichicchu!— nirca.

SAN LUCAS 1:13

Chashna mancharicucpimi, angelca cashna nirca: —Zacarías, ama mancharichu. Can mañashcataca Taita Diosca uyashcami. Cambac huarmi Elisabetca c'ari huahuatami charigrin. Chai huahuataca Juan shutitami shutichingui.

SAN LUCAS 1:30

Chashna yuyacucpi angelca: —María, ama mancharichu. Cantaca Taita Diosmi mai c'uyashpa acllashca.

SAN LUCAS 12:32

Ñuca ovejacunalla, ashalla cashpapish ama manchaichicchu. Chashna ashalla cacpipish, Taita Diosca cushicushpami cancunahuan mandasha nicun.

SAN LUCAS 2:10

Shina mancharicucpimi, angelca cashna nirca: —Ama mancharichicchu. Ñucaca cancunamanca alli huillaitami huillac shamuni. Cai huillashcata uyashpaca, tucuimi cushicungacuna.

SAN LUCAS 5:10

Zebedeopac churicuna Jacobopish, Juanpish Simonhuan puriccunami carca. Paicunapish chashna tucushcata ricushpaca, mancharircacunami. Chashna mancharicucpimi, Jesusca Simontaca: —Ama mancharichu. Canca cunanmantaca pescadocunata japic shinami, gentecunata Taita Diospacman pushamuc cangui— nirca.

SAN JUAN 16:33

Tucui caicunataca cancuna ñucahuan shuc shinalla cashcata yachashpa, shungupi yallita cushicuita charichunmi nini. Cai pachapica cancunaca llaquita apanguichicmi. Shina cacpipish, cai pacha mana allicunata ñuca mishashcata yuyarishpa, ama manchashpa cushicuichiclla— nirca.

SAN JUAN 6:20

Shina mancharicucpimi Jesusca: —Ama mancharichicchu, ñucami cani— nirca.

HECHOS 23:11

Apunchic Jesusca chai tuta ricurishpami Pablotaca: “Pablo, ama manchanguichu. Ima shinami cai Jerusalenpi ñucamanta huillacungui, chashnallatac Roma*f** pueblopipish huillana cangui” nirca.