SAN MATEO 14:19 - Nuevo Testamento en Quichua Cañar 1996

¹⁹ gentecunata q'uihua pamballapi tiyarichun mandarca. Shina mandashpami, chai pichca tandata, ishcai pescadota japishpa, huichailla ricushpa, Taita Diosta pagui nishpaca, tandata chaupishpa chaupishpa, paipac yachacuccunaman curca. Paicunaca gentecunamanmi cararcacuna.

Dios Rimashcata Quillcashcami

¹⁹ Chaimantami gentecunata quihua pambapi tiyarichun mandashpa, chai pichca tandata, ishcai challuata japishpa, huichailla ricushpa, Diosta pagui nishpaca, chaupishpa, paipac yachacuccunaman curca. Paicunaca gentecunamanmi cararca.

SAN MATEO 14:19 ပူးပေါင်းရင်းမြစ်များ

SAN MATEO 14:18

Shina nicpi Jesusca “caiman apamuichic” nishpa,

MARCOS 6:39

Shina nicpi Jesusca: —Chai gentecunata chai q'uihua pambacunapi asha asha raquirinacushpa tiyarichun nigrichic— nishpami, yachacuccunata mandarca.

MARCOS 6:41

Chai q'uipami Jesusca pichca tandata, ishcai pescadota japirca. Shina japishpami, jahua pachata huichailla ricushpa, Taita Diosta pagui nishpa mañarca. Chai pichca tandata, ishcai pescadotaca chaupishpa chaupishpami, gentecunaman carachun paipac yachacuccunaman curca.

MARCOS 7:34

Chashna ruhuashpami, Jesusca jahua pachata huichailla ricushpa, shungupi llaquirishpa: —¡Efata!— nirca. “Efata” nishpaca: “Pascari” nisha ninmi.

SAN LUCAS 22:17

Chashna nishpami, Jesusca vaso vinota japishpa, Taita Diosta pagui nishpaca: —Caicachic, tucuilla asha ashata ubiaichic.

SAN LUCAS 22:19

Shinallatac Jesús tandata japishpapish Taita Diosta pagui nishpami, chaupishpa chaupishpa yachacuccunaman cushpaca: —Caica, cancunamanta llaquichishca cana ñuca aichami. Ñucata yuyarishpa, cashna ruhuacunguichiclla— nirca.

SAN LUCAS 24:30

Paicunahuan micungapac tiyacushpaca, tandata japishpa Taita Diosta pagui nishpa, chaupishpa chaupishpami paicunaman curca.

SAN LUCAS 9:14

Chaipi caccunaca c'aricunallami pichca huaranga shina carca. Chashna cacpimi Jesusca paipac yachacuccunataca: —Paicunataca pichca chunga, pichca chunga raquishpa tiyachichic— nirca.

SAN LUCAS 9:16

Chai q'uipami Jesusca chai pichca tandatapish, ishcai pescadotapish japishpa, jahua pachata huichailla ricushpa, Taita Diosman pagui nishpa mañarca. Chai pichca tandata, shinallatac ishcai pescadota chaupishpa chaupishpami, gentecunaman carachun paipac yachacuccunaman curca.

SAN JUAN 11:41

Jesús shina nicpica, huañushca maipi cac jarcashca rumita cutichircacunami. Chai q'uipami, Jesusca jahua pachata huichailla ricushpaca: —Taitalla, ñuca mañashcata uyashcamantaca pagui ninimi.

SAN JUAN 6:23

Chashnacpica, Tiberias pueblomanta canoacuna shamushpaca, chai yacu patamanmi chayarca. Chai cuchullapimi Jesusca Taita Diosta pagui nishpa, tandata carashca carca.

HECHOS 27:35

Chashna nishpa Pabloca tandata japishpami, tucui chaipi caccunapac ñaupapi Taita Diosta pagui nishpa, tandata chaupishpa micui callarirca.

ROMANOS 14:6

Maijanpish shuc punzhata Taita Diospac cachun ch'icanyachishpaca, Apunchic Jesusta alli ningapacmi ch'icanyachin. Maijanpish tucuita micucca, Apunchic Jesusta alli ningapacmi Diosta pagui nishpa micun. Shinallatac mana tucuita micucpish, Apunchic Jesusta alli ningapacllatacmi Diosta pagui nishpa, mana tucuita micun.

1 CORINTIOS 10:16

Dios cushca vinota ubiashpaca, Diostami pagui ninchic. Chai vinota ubiashpaca, Cristopac yahuarhuanmi shuc shinalla tucunchic. Tandata micushpapish, Cristopac cuerpohuanmi shuc shinalla tucunchic.

1 CORINTIOS 10:31

Chaimanta imata micushpapish, imata ubiashpapish, shinallatac imata ruhuashpapish, Dios alli nishca cachunmi ruhuana canguichic.

1 CORINTIOS 11:24

Taita Diosta pagui nishpa, chaupishpa chaupishpaca: “Caica cancunamanta llaquichishca cana ñuca aichami. Ñucata yuyarishpa cashna micucunguichiclla” nirca.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Taita Diostaca pagui nina canguichic.