SAN MATEO 14:13 - Nuevo Testamento en Quichua Cañar 1996

¹³ Bautizac Juan huañushcata Jesús yachashpaca, paillami canoapi tiyarishpa, pi mana causana shitashca pambaman rirca. Shina Jesús ricpipish, achca gentecunami paicunapac pueblocunamanta llucshishpa, chaquillahuan c'atircacuna.

Dios Rimashcata Quillcashcami

¹³ Jesús, Bautizac Juan huañushcata yachashpaca, paillami canoapi tiyarishpa, shitashca pambaman rirca. Shina ricpipish, achca gentecunami paicunapac pueblocunamanta llucshishpa, chaquillahuan catirca.

SAN MATEO 14:13 ပူးပေါင်းရင်းမြစ်များ

SAN MATEO 10:23

Maijan pueblopi cancunata llaquichicpica, caishuc puebloman ringuichic. Cancuna Israel*f** llactapi manarac tucuiman huillashpa puricpimi, Runa Tucungapac shamushca*f** ñucaca cutimusha. Chaica chashnatacmi canga.

SAN MATEO 12:15

Chashna ninacucta Jesús yachashpa chaimanta ricpica, achca gentecunami c'atishpa rircacuna. Jesusca tucui ungushcacunatami alliyachirca.

SAN MATEO 14:12

Chashna ruhuacpica, Juanpac yachacuccuna shamushpami, paipac cuerpotaca enterrangapac apashpa rircacuna. Chai q'uipami yachacuccunaca imalla tucushcata Jesusman huillagrircacuna.

MARCOS 1:35

Jesusca manarac achicyamucpi, amsa amsapirac jatarishpami, chai pueblomanta llucshishpa, pipish mana causana pambapi Taita Diosman mañagrirca.

SAN LUCAS 4:42

Jesusca tutamanta ña achicyamucucpimi, pai maipi cashca pueblomanta llucshishpa, pipish mana causana pambaman rirca. Chashna ricpica, tucui gentecunami Jesusta mashcashpa, pai maipi cashcaman chayarcacuna. Chashna tarishpaca, ama maiman richun nishpami, Jesustaca jarcanata munarcacuna.