SAN MATEO 13:33 - Nuevo Testamento en Quichua Cañar 1996

³³ Jesusca caimantapish chimbapurashpa parlashpaca: “Jahua pacha Taita Dios mandacucca, tandata ruhuac shuc huarmi, quimsa taza jarinata ashalla levadurahuan chapushpa, tucui chaputa punguillichic shinami” nirca.

Dios Rimashcata Quillcashcami

³³ Jesús cutin chimbapurashpa parlashpaca: «Jahua pacha Dios mandacucca, shuc huarmi quimsa taza harinata ashalla levadurahuan chapushpa, punguillichic shinami» nirca.

SAN MATEO 13:33 ပူးပေါင်းရင်းမြစ်များ

SAN MATEO 13:24

Cai yuyaita japina parlotapish Jesús paicunaman parlashpaca, cashnami nirca: “Jahua pacha Taita Dios mandacucca, shuc runa paipac allpapi alli muyuta jichacpi,

MARCOS 13:20

Chai llaqui punzhacunata Dios mana ashata chaupicpica, pipish mana causai pudinmanchu. Ashtahuanpish Taita Diosca pai acllashcacunata c'uyashcamantami, chai llaqui punzhacunataca chaupisha nishca.

SAN LUCAS 13:21

Taita Dios mandacucca, tandata ruhuac shuc huarmi quimsa taza jarinata ashalla levadurahuan chapushpa, tucui chaputa punguillichic shinami” nirca.

SAN JUAN 15:2

Ñucapi cac ramacuna mana p'ucucpica, tucui p'itishpami shitanga. Cutin alli p'ucuctaca ashtahuan alli p'ucuchunmi, mana allicunata anchuchishpa saquinga.

GÁLATAS 5:9

Ashalla levaduralla tucui chaputa punguillichic cashcataca yachanchicmi.

FILIPENSES 1:6

Cancunapi callarimanta pacha allita ruhuac Taita Diosca Jesucristo cutimuna punzhacaman, chai allita ruhuashpa c'atina cashcatami yachani.

FILIPENSES 1:9

Cancunamanta ñuca Taita Diosman mañacushpaca, ashtahuan c'uyaita charichun, shinallatac alli entendishpa Diosmanta allita yachac cachunmi mañani.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai c'uyac cashcata yachashpa, ashtahuan c'uyanacuichic. ¡Paica cunanpish, huiñai huiñaipacpish sumaimana alli nishca cachun! Chashna cachun.