SAN MATEO 12:28 - Nuevo Testamento en Quichua Cañar 1996

²⁸ Ñucaca Diospac Espirituhuan cashpami, supaicunataca llucchishpa cachani. Chashna ruhuashpami, cancunapurapi Taita Dios mandai callarishcataca ricuchicuni.

Dios Rimashcata Quillcashcami

²⁸ Ñucaca Diospac Espirituhuanmi supaicunataca llucchishpa cachani. Chashna ruhuashpami, cancunapurapi Dios mandacushcata ricuchicuni.

SAN MATEO 12:28 ပူးပေါင်းရင်းမြစ်များ

SAN MATEO 12:18

“Caipimi ñuca acllashca servicca. Paitami ñucaca c'uyani. Paihuanmi cushicuni. Paimanmi ñuca Espiritutaca cusha. Chashna cucpica, tucui llactacunapimi ñuca cashcata ruhuashpa mandana cashcataca huillanga.

SAN MATEO 12:29

Shuc alli sinchi runapac huasiman yaicushpa, ima charishcata shuhuagrishpaca, paita manarac chacnashpaca, mana shuhuai pudinmanchu. Paita chacnashpallami, imatapish shuhuanman.

SAN MATEO 21:31

Cai ishcaicunamantaca, ¿maijantac taita mandashcataca ruhuarca?— nishpa Jesús tapucpica, paicunaca: —Punta churiyari— nircacuna. Shina nicpi Jesusca: —Chai shinallatacmi Taita Dios mandacucmanca, Roma*f** llactaman impuestota japiccuna, shinallatac huaclli huarmicunarac cancuna manarac yaicucpi yaicungacuna. Chaica chashnatacmi.

SAN MATEO 21:43

Chashna cashcamantami Taita Diosca cancunata mandanata saquishpa, caishuc paita cazuccunallata mandanga.

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

SAN MATEO 6:33

Cancunaca tucuimanta yallica, Taita Dios munashcata ruhuashpa, pai mandacucpi causanata yuyaichic. Shinashpaca, cancunapac ima illashcatapish chasquinguichicllami.

MARCOS 1:15

Chashna huillacushpaca: —Cunanmi, chai alli huillai punzhaca chayamushca. Taita Diosca ñami mandagrin. Cancunaca juchayuc cashcamanta llaquirishpa, Taita Diosman cutirishpa, alli huillaita crichic— nirca.

MARCOS 11:10

¡Ñucanchic ñaupa mandac David mandashca shina mandangapac shamucucca, alli nishca cachun! ¡Jahua pachapipish alli nishca cachun!— nircacunami.

MARCOS 16:17

Ñucata criccunaca pi mana ruhuaipaccunatami ruhuanga. Ñuca shutipimi supaicunatapish llucchishpa cachangacunami, jaicapi mana uyashca rimaicunatapish rimangacunami.

SAN LUCAS 10:11

‘Ñucanchic chaquicunapi c'atirishca allpatapish, cancuna llaquita apana cashcata ricuchingapacmi, caillapitac chaspishpa saquinchic. Ashtahuanpish Taita Dios cancunata ña mandagricushcataca, alli yuyaringuichic’ nishpa huillanguichic.

SAN LUCAS 11:20

Ashtahuanpish ñucaca Taita Dioshuan cashpami, supaicunataca llucchishpa cachani. Chashna ruhuashpaca, cancunapurapi Taita Dios mandai callarishcatami ricuchicuni.

SAN LUCAS 16:16

Moisés mandashcacunapish, Diosmanta ñaupa huillaccuna huillashcacunapish, Bautizac Juan causai punzhacamanllami carca. Chaimanta pachami, Taita Dios mandacucmanta alli huillaica callarirca. Chai huillaita uyashpaca, tucui mashnami Taita Dios mandacucmanca ima shinapish yaicushun nincuna.

SAN LUCAS 9:2

Chaimantaca Taita Dios mandacucmanta huillagrichunpish, shinallatac ungushcacunata alliyachichunpish cacharcami.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

ROMANOS 14:17

Taita Dios mandacucpi causanaca mana ubianata, micunata yuyashpalla causanachu, ashtahuanpish cashcata ruhuashpa, mana p'iñanacushpa, Diospac Espíritu yuyaita cushca shina cushicushpa causanami can.

COLOSENSES 1:13

Taita Diosmi amsa millai yuyaicuna mandashpa huatashca shina charicucmanta, paipac c'uyashca Churi mandacucman aparca.

HEBREOS 12:28

Dios cushca maipi mandacucca, mana cuyuchipacchu. Chaimanta manchaihuan, pai munashca shina tucui shunguhuan pagui nishpa, alli nishunchic. Paica chaitami munan.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.