SAN MATEO 12:27 - Nuevo Testamento en Quichua Cañar 1996

²⁷ Ñucataca ‘Beelzebuhuan cashpami, supaicunata llucchishpa cachanlla’ nicunguichicmi. Shina cacpica cancunapac yachacuccunaca, ¿pihuan cashpatac supaicunata llucchincuna? Chashna cacpica, paicunallatacmi cancuna pandaricushcataca ricuchincuna.

Dios Rimashcata Quillcashcami

²⁷ Ñuca Beelzebuhuan supaicunata llucchishpa cachacpica, cancunapac yachacuccunaca, ¿pihuantac supaicunata llucchin? Chashna cacpica, paicunallatacmi cancuna pandaricushcataca ricuchincuna.

SAN MATEO 12:27 ပူးပေါင်းရင်းမြစ်များ

SAN MATEO 10:25

Yachacuc ña yachachic shina tucushpaca, cushillami canman. Shinallatac shuc servicpish amo shina tucushpaca, cushillami canman. Huasipi taita shina pushac ñucatapish, ‘supaicunata mandac Beelzebumi*f** cangui’ nicushpaca, chai huasipi causac huahua shina cac cancunatacarin, ¡imatachari ningacuna!

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

SAN MATEO 9:34

Ashtahuanpish fariseocunaca:*f** “Cai runaca supaicunata mandac diablohuan cashpami, supaicunataca llucchishpa cachanlla” nishpa rimarcacuna.

SAN LUCAS 11:19

Chashna cacpica, cancunapac yachacuccunapish Beelzebuhuan cashpachari, supaicunataca llucchishpa cachanyari. Paicuna chashna ruhuashpaca, cancuna pandaricushcatami ricuchincuna.

SAN LUCAS 19:22

Chashna nicpi chai mandacca: ‘Mana allita ruhuac runami cangui. Chashna nishpaca, canllatacmi llaquita apangui. Ñuca nishcahuanca manapish cushpa chasquiclla cashcata, manapish tarpushcata tandaclla cashcataca yachashcanguimi.

ROMANOS 3:19

Taita Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata cazuccunaman huillacun. Chaitaca yachanchicmi.