SAN MATEO 11:23 - Nuevo Testamento en Quichua Cañar 1996

²³ Shinallatac Capernaum pueblopi causaccuna, cancunaca: ‘Jahua pachaman rishunmi’ nishpami yuyacunguichic, ashtahuanpish ucu pachamanmi shitashca canguichic. Cancunapac pueblopi pi mana ruhuaipaccunata ruhuashca shina, Sodoma pueblopi ruhuashca cacpica, chai puebloca cunan punzhacamanmi tiyanman carca.

Dios Rimashcata Quillcashcami

²³ Capernaúm pueblopi causaccuna, ¿jahua pachaman rishunmi yuyanguichicchu? Ashtahuanpish ucu pachamanmi shitashca canguichic. Cancunapac pueblopi milagrocunata ruhuashca shina, Sodoma pueblopi ruhuashca cacpica, cunan punzhacamanmi tiyanman carca.

SAN MATEO 11:23 ပူးပေါင်းရင်းမြစ်များ

SAN MATEO 10:15

Sodoma pueblopi shinallatac Gomorra pueblopi causac millai gentecuna ima shinami llaqui tucurca, chaitapish yallimi chai pueblopi causaccunataca, Taita Dios taripana punzhapica llaquichishca canga. Chaica chashnatacmi canga.

SAN MATEO 16:18

Ñucapish cantaca Pedromi*f** cangui ninimi. Cai rumi jahuapi huasichic shinami, tandanacushca criccunataca mirachisha. Chashna miraricpica, huañuipish mana ati pudingachu.

SAN MATEO 17:24

Jesús paipac yachacuccunandic Capernaum puebloman chayacpica, Diosman mañana huasimanta impuestota japiccuna Pedropacman chayarishpaca: —Cancunapac yachachicca, ¿Diosman mañana huasimanta impuestota cunllachu?— nishpa tapurcacuna.

SAN MATEO 4:13

Shina cashpapish Nazaret pueblopica ña mana causagrircachu, ashtahuanpish Galilea jatun cucha cuchupi cac Capernaum pueblopimi causagrirca. Chai puebloca ñaupa taita Zabulonpac, Neftalipac causana llactapimi carca.

SAN MATEO 8:5

Ña Capernaum puebloman Jesús chayagricucpimi, Roma* llactamanta pasac soldadocunata mandacca Jesuspacman cuchuyashpaca:

SAN LUCAS 10:15

Shinallatac Capernaum pueblopi causaccuna, cancunaca: ‘Jahua pachaman rishunmi’ nishpami yuyacunguichic, ashtahuanpish ucu pachamanmi shitashca canguichic” nirca.

SAN LUCAS 14:11

Maijanpish ‘allimi cani’ nictaca, Taita Diosca ‘mana allichu cangui’ ningami. Shinallatac maijanpish ‘mana allichu cani’ nictaca, Taita Diosca ‘allimi cangui’ ningami” nirca.

SAN LUCAS 16:23

Chai chayuc runaca ucu pachapi munai llaqui nanaihuan cashpami, huichailla ricushpa Abrahamtapish, shinallatac paipac cuchupi tiyacuc Lazarotapish ricurca.

SAN LUCAS 4:23

Chashna nicucpimi Jesusca: —Maijancuna nic shinaca: ‘Jambic runa canllatac jambiri’ nic shinachari nicunguichic. Shinallatac Capernaum pueblopi ñuca imalla ruhuashcacunata cancuna uyashcamantaca: ‘Cai can huiñashca llactapipish chashnallatac ruhuaiyari’ nicunguichicmi— nirca.

HECHOS 2:27

Ñuca almataca ucu pachapi cachun, shinallatac cambaclla causacpac cuerpo ismuchunpish mana saquinguichu.

HECHOS 2:31

Davidca Quishpichic Cristo causarinata pai ricushca shina ñaupaman huillashpaca: ‘Paipac almaca ucu pachapipish mana saquiringachu, paipac cuerpopish mana ismungachu’ nishcami.

SAN JUDAS 1:7

Chai angelcuna shinallatacmi Sodoma pueblopi, Gomorra pueblopi shinallatac chai cuchulla pueblocunapi causaccunapish huacllirishpa, c'aricunapura, huarmicunapura chayarinacushpa, millaillapi causarcacuna. Chaimantami huiñaita rupacuc ninapi llaquita aparcacuna. Cunan punzha causaccuna ricushpa yuyarichunmi, chashnaca tucurca.

APOCALIPSIS 1:18

Ñucaca huañushpapish causacunimi. Cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 11:8

Chashna huañuchicpica, jatun pueblo ucupi tiyac callecunapimi paicunapac cuerpoca siricunga. Chai pueblollapitacmi paicunata Mandac Apunchic Jesustaca chacatashpa huañuchircacuna. Chashna jatun pueblo nishpaca, Sodoma pueblota, shinallatac Egipto llactatami chimbapurashpa nisha nin.

APOCALIPSIS 20:13

Chai punzhapica huañushcacunataca mama cuchamantapish, ucu pachamantapish, huañuimantapish paicuna imata ruhuashca shinallatac taripachunmi llucshirca.

APOCALIPSIS 6:8

Chaimantaca shuc quillu caballotami ricurcani. Chai caballopac jahuapi tiyacucpac shutica Huañui nishcami carca. Chai caballopi tiyacucpac huashapica, Ucu Pacha nishcapish carcami. Paicunaca cai pachapi causaccunamanta chuscumanta shucta chaupishpa macanacuicunapi, ung:uicunahuan, ima mana p'ucucpi yarcaihuan, shinallatac cai pachapi cac animalcuna canishcahuan huañuchic canatami chasquirca.