SAN MATEO 10:25 - Nuevo Testamento en Quichua Cañar 1996

²⁵ Yachacuc ña yachachic shina tucushpaca, cushillami canman. Shinallatac shuc servicpish amo shina tucushpaca, cushillami canman. Huasipi taita shina pushac ñucatapish, ‘supaicunata mandac Beelzebumi*f** cangui’ nicushpaca, chai huasipi causac huahua shina cac cancunatacarin, ¡imatachari ningacuna!

Dios Rimashcata Quillcashcami

²⁵ Yachacuc yachachic shina tucushpaca, allimi canman. Servicpish amo shina tucushpaca, allimi canman. Huasipi taita shina ñucata ‘supaicunata mandac Beelzebumi’ nishpaca, cancunatacarin, ¡imatachari ningacuna!

SAN MATEO 10:25 ပူးပေါင်းရင်းမြစ်များ

SAN MATEO 12:24

Chaita uyashpami fariseocunaca:*f** “Cai runaca supaicunata mandac Beelzebuhuan*f** cashpami, supaicunataca llucchishpa cachanlla” nircacuna.

SAN MATEO 12:27

Ñucataca ‘Beelzebuhuan cashpami, supaicunata llucchishpa cachanlla’ nicunguichicmi. Shina cacpica cancunapac yachacuccunaca, ¿pihuan cashpatac supaicunata llucchincuna? Chashna cacpica, paicunallatacmi cancuna pandaricushcataca ricuchincuna.

SAN MATEO 9:34

Ashtahuanpish fariseocunaca:*f** “Cai runaca supaicunata mandac diablohuan cashpami, supaicunataca llucchishpa cachanlla” nishpa rimarcacuna.

MARCOS 10:39

Chashna nicpi paicunaca: —Ari, chashna ruhuashunllami— nirca. Chashna nicpi Jesusca: —Ari, cancunaca jayacta ubiac shina, bautizaric shina llaquicunataca, ñuca shina apanguichicmi.

MARCOS 3:22

Cutin Jerusalén pueblomanta mandashcacunata yachachiccunapish shamushpaca: —Cai runaca supaicunata mandac Beelzebuhuan*f** cashpami, supaicunataca llucchishpa cachanlla— nircacuna.

SAN LUCAS 11:15

Chashna ruhuacta ricushpami maijancunaca: —Cai runaca supaicunata mandac Beelzebuhuan*f** cashpami, supaicunataca llucchishpa cachanlla— ninacurcacuna.

SAN LUCAS 11:18

Chashnallatac supaicunata mandac Satanaspish*f** supaicunata caita chaita mandacpi paicunapura p'iñanacucpica, pai mandacucca chingarinmanllami. Ñucata ‘Beelzebuhuan cashpami, supaicunata llucchishpa cachan’ nishcamantami, chashnaca nini.

SAN LUCAS 11:19

Chashna cacpica, cancunapac yachacuccunapish Beelzebuhuan cashpachari, supaicunataca llucchishpa cachanyari. Paicuna chashna ruhuashpaca, cancuna pandaricushcatami ricuchincuna.

SAN JUAN 10:20

Paicunapuramanta achcacunami: —¿Ima nishpatac paitaca uyanguichic? Paica supaihuan cashcamantaca mana juizhupichu— ninacurcacuna.

SAN JUAN 7:20

Shina nicpi gentecunaca: —¡Supai japishcami cangui! ¿Pitac cantaca huañuchisha nicun?— nircacuna.

SAN JUAN 8:48

Chaimantami mandac israelcuna*f** Jesustaca: —‘Canca Samaria llactamantami cangui, shinallatac supaihuanmi cangui’ nishpaca, allillatacmi nishcanchic— nircacuna.

SAN JUAN 8:52

Shina nicpi, mandac israelcunaca: —Cunancarin supaihuan cashcata yachanchictacmi. Taita Abrahampish, Diosmanta ñaupa huillaccunapish huañurcami. Shina cacpica, ¿ima shinatac cutin canca ‘maijanpish ñuca nishcata cazuccunaca mana huañungachu’ ninguiyari?