SAN MATEO 10:20 - Nuevo Testamento en Quichua Cañar 1996

²⁰ Chaica, mana cancunapac yuyaimantachu rimanguichic, ashtahuanpish cancunapac Taita Dios cushca paipac Espiritumi, cancunamanca rimana yuyaita cunga.

Dios Rimashcata Quillcashcami

²⁰ Mana cancunapac yuyaimantachu rimanguichic, ashtahuanpish Diospac Espiritumi, rimana yuyaita cunga.

SAN MATEO 10:20 ပူးပေါင်းရင်းမြစ်များ

SAN MATEO 6:32

Chai shinaca, Diosta mana ricsiccunami chai yuyailla causancuna. Jahua pachapi tiyac cancunapac Taita Diosca, cancunapac ima illashcataca ña yachanmi.

MARCOS 12:36

Davidllatacmi Diospac Espíritu yuyaita cucpica: ‘Mandac Taita Diosca ñucata Mandactaca: “Canta p'iñaccunata cambac chaqui sarunapi ñuca churangacaman, canca ñuca alli maquiman tiyacuilla” nin’ nishcami.

SAN LUCAS 11:13

Cancuna mana allicuna cashpapish, huahuacunamanca imatapish allitami cunguichic. Jahua pachapi cac Taita Dioscarin, maijanpish paipac Espirituta mañaccunamanca cungallami— nirca.

SAN LUCAS 12:12

Cancuna rimai callaricpica, Diospac Espiritullatacmi imata rimana yuyaitaca cunga” nirca.

SAN LUCAS 21:15

Ñucallatacmi cancunamanca imata rimana alli yuyaicunata cusha. Chashna allita rimacpica, cancunata p'iñaccunaca mana imata ni pudishpa, upalla saquiringacunallami.

HECHOS 13:9

Saulopish Pablo shutimi carca. Paipac shungupi Diospac Espíritu junda cacpimi, chai brujota ricurashpaca:

HECHOS 2:4

Chashna tiyarishpami, tucui chaipi caccunapac shunguman Diospac Espíritu shamushpa, paicunata rimachicpi, ch'ican ch'ican rimaicunata rimai callarircacuna.

HECHOS 28:25

Chaimantami paicunapura mana shuc yuyailla tucunacushpa ña rigricpica, Pabloca: —Diospac Espíritu yuyachicpi, ñaupa huillac Isaiasca ñucanchic ñaupa taitacunataca allimi cashna nishca:

HECHOS 4:8

Chashna tapucpi, Pedroca Diospac Espirituhuan cashpami: —Israelcunata mandaccunalla, cunac yuyaccunalla,

HECHOS 6:10

Ashtahuanpish Diospac Espíritu yuyaita cushpa Estebanta rimachicucpimi, chai runacunaca ashtahuan mana rimanacui pudircacuna.

2 CORINTIOS 13:3

Chashna cacpimi Cristo ñucata huillachicushcatatac yachanguichic. Cancunapurapi cac Cristoca imata mana ruhuaipac shinaca mana canchu, ashtahuanpish imatapish ruhuaclla cashcatami ricuchicun.

1 TESALONICENSES 2:13

Ñucanchic huillacpi, mana gentecunalla huillashcata yuyashpa, ashtahuanpish quishpirinamanta huillashcaca Diosmanta cashcata yachashpa chasquishcamantami, punzhanta Diostaca pagui nicunchiclla. Chaica Dios rimashca shimi cashpatacmari, cancunata shuctacyachicpi, sumacta causacunguichic.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

2 PEDRO 1:21

Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diosmanta huillac runacunami carca. Diospac Espiritullatacmi paicunataca rimachicurca.