SAN MATEO 1:22 - Nuevo Testamento en Quichua Cañar 1996

²² Tucui chaicunaca Taita Dios paimanta huillacman ñaupa huillachishca pactachunmi, chashnaca tucurca.

Dios Rimashcata Quillcashcami

²² Tucui chaicunaca ñaupa Dios paimanta huillacman huillachishca pactachunmi, chashnaca tucurca.

SAN MATEO 1:22 ပူးပေါင်းရင်းမြစ်များ

SAN MATEO 12:17

Chai nishcaca, Diosmanta ñaupa huillac Isaías huillashca pactachunmi, chashnaca tucurca. Isaías huillashpaca:

SAN MATEO 13:21

Chashna cashpapish mana ucuta sapiyashca shina cashpami, llaquicuna japicpi, mana cashpaca alli huillaita uyashpa c'aticushcamanta gentecuna p'iñacpica saquincunalla.

SAN MATEO 13:35

Shinaca Diosmanta ñaupa huillac nishca pactachunmi, chashnaca tucurca. Chaipica: “Yuyaita japina parlohuanmi parlasha. Cai pachata ruhuashca punzhamanta pacha, pi mana yachachishcatami huillasha” nishcami.

SAN MATEO 2:15

Chai llactapimi Herodes huañungacaman causarcacuna. Cai shinaca ñaupa huillacman Taita Dios huillachishca pactachunmi, chashnaca tucurca. Chaipica: “Egipto llactamantami ñuca Churitaca c'ayarcani” nishcami carca.

SAN MATEO 2:23

Chaiman chayashpaca, Nazaret pueblopimi causangapac rirca. Diosmanta ñaupa huillaccuna huillashca pactachunmi, chashnaca tucurca. Chai huillashcapimi: “Paica nazareno nishcami canga” nishca carca.

SAN MATEO 5:17

Ñucataca ‘Moisés mandashcacunata, shinallatac Diosmanta ñaupa huillaccuna huillashcacunata anchuchingapacmi shamushca’ nishpaca, ama yuyaichicchu, ashtahuanpish mandashcacunataca pactachingapacmi shamurcani.

SAN MATEO 8:17

Caicunaca, Diosmanta ñaupa huillac Isaías huillashca pactachunmi, chashnaca tucurca. Pai huillashpaca: “Pai quiquinmi ñucanchic ung:uicunatapish, ñucanchicta irquiyachic nanaicunatapish aparca” nishcami.

SAN LUCAS 21:22

Chai punzhacunaca, Taita Dios llaquichina punzhacunami canga. Dios quillcachishcapi tucui ima nishcacunaca chai punzhacunapimi pactanga.

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

SAN JUAN 10:35

Dios quillcachishcataca mana chashnachu ninataca mana pudinchicchu. Chaitaca yachanguichicmi. Taita Diosca pai rimashcata uyaccunataca ‘cancunami dioscuna canguichic’ nircami.

SAN JUAN 15:25

Caica paicunaman mandashcapi quillcashca pactachunmi, chashnaca tucurca. Chaipica: ‘Manapish juchayuc cacpi, ñucataca p'iñarcacuna’ ninmi.

SAN JUAN 17:12

Cai pachapi ñuca paicunahuan cashpaca, can imatapish ruhuaclla cashcata ricuchishpami huacaichircani. Can cushcacunataca tucuitami huacaichircani. Shucllapish mana chingarircachu, ashtahuanpish chingaringapac cashca runallami can quillcachishcapi nishca shina pactachun chingarirca.

SAN JUAN 18:9

Jesusca: “Taitalla, can cushcacunamantaca shucllapish mana chingarircachu” nishpa pai puntaman nishca pactachunmi, chashnaca nirca.

HECHOS 3:18

Shina huañuchicpica, chaitaca Diosmanta ñaupa huillaccuna: ‘Quishpichic Cristoca llaquita apashpami huañunga’ nishpa huillashcatami, Taita Diosca pactachishca.

ROMANOS 1:2

Cai alli huillaitaca ñaupamanmi, Taita Diosca cushami nishpa paimanta huillaccunaman quillcachishpa huillachishca.

APOCALIPSIS 17:17

Taita Diosllatacmi paicuna imata ruhuashpapish, pai munashcata ruhuachun shungupi yuyaita curca. Shina cucpimi Taita Dios huillashca pactangacamanca shuc yuyailla tucushpa, chai manchana animalmanca paicuna shina mandanata cungacuna.