MARCOS 9:45 - Nuevo Testamento en Quichua Cañar 1996

⁴⁵ Chashnallatac cambac chaqui ima juchaman apasha nicpica, p'itishpa shitangui. Ishcai chaquindic ucu pachapi shitashca canapac randica, shuclla chaquihuan jahua pachapi causangapac yaicunami canmanca ashtahuan alli canga.

Dios Rimashcata Quillcashcami

⁴⁵ Cambac chaqui juchaman apasha nicpica, pitishpa shitangui. Ishcai chaquindi ucu pachapi shitashca canapac randica, shuclla chaquihuan jahua pachapi yaicunami canmanca ashtahuan alli canga.

MARCOS 9:45 ပူးပေါင်းရင်းမြစ်များ

SAN MATEO 18:8

Chaimanta cambac maqui, cambac chaqui ima juchapi urmachisha nicpica, p'itishpa shitangui. Ishcai chaquindic, ishcai maquindic mana huañuc ninapi shitashca canapac randica, chulla chaquilla, chulla maquilla jahua pachapi causangapac yaicunami canmanca ashtahuan alli canga.

SAN MATEO 5:22

Ashtahuanpish ñucacarin cashnami nini: Maijanpish p'iñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish maipish cachun rimactaca, ucu pacha ninaman shitana nishcami canga.

MARCOS 9:43

Chaimanta cambac maqui ima juchapi urmachisha nicpica, p'itishpa shitangui. Ishcai maquindic ucu pacha mana huañuc ninaman rinapac randica, shuclla maquihuan jahua pachapi causangapac yaicunami canmanca ashtahuan alli canga.

MARCOS 9:44

Ucu pachapica c'urucunapish mana huañunchu, ninapish huiñaita rupacunllami.

MARCOS 9:46

Ucu pachapica c'urucunapish mana huañunchu, ninapish huiñaita rupacunllami.