MARCOS 8:33 - Nuevo Testamento en Quichua Cañar 1996

³³ Ashtahuanpish Jesús tigrarishpa, paipac yachacuccunata ricushpa Pedrota p'iñarishpaca: —¡Caimanta anchuri, Satanás!*f** Canca Taita Dios imata ruhuagricushcataca mana yachanguichu, ashtahuanpish gentecuna yuyashcallatami yuyacungui— nirca.

Dios Rimashcata Quillcashcami

³³ Ashtahuanpish Jesús paipac yachacuccunata ricushpa, Pedrota piñarishpaca: —¡Caimanta anchuri, Satanás! Canca Diospac munaitaca mana entendinguichu, ashtahuanpish gentecuna yuyashcallatami yuyangui— nirca.

MARCOS 8:33 ပူးပေါင်းရင်းမြစ်များ

SAN MATEO 15:23

Chashna caparicpipish, Jesusca imata mana nircachu, ashtahuanpish yachacuccuna paipacman shamushpami: —Chai huarmita caimanta richun nishpa, imatapish niyari. Ñucanchic huashatami caparishpa c'atimucun— nishpa mañarcacuna.

SAN MATEO 16:23

Chashna nicpi Jesús tigrarishpa Pedrotaca: —¡Anchuri caimanta, Satanás!*f** Chashna nishpaca, Taita Dios munashcata ñuca ama ruhuachun nishpami, jarcasha nicungui. Canca Taita Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 4:10

Shina nicpi Jesusca: —¡Anchuri caimanta Satanás!*f** Dios quillcachishcapica: ‘Canta Mandac Taita Diosllata “allimari cangui” ningui, paillata servingui’ ninmi— nirca.

MARCOS 3:34

Shina nishpami, Jesusca paipac muyundic tiyacuc gentecunata ricushpaca: —Caicunami ñuca mama, ñuca huauquicuna.

MARCOS 3:5

Shina upalla saquiricpimi, paicunata muyundicta p'iñaihuan ricushpa, paicuna sinchi shungu cashcamanta Jesusca munai llaquirirca. Shina llaquirishpami, chai maqui chaquishca runataca: —Maquita chutai— nirca. Shina chutacpica, chai runapac maquica alli tucurcallami.

SAN LUCAS 22:61

Chashna cantacpimi, Apunchic Jesusca Pedrota tigrarishpa ricurca. Chashna ricucpimi: “Manarac gallo cantacpimi, quimsa cutin ñucataca ‘mana ricsinichu’ ningui” nishpa, Apunchic Jesús nishcata Pedroca yuyarirca.

SAN LUCAS 4:8

Chashna nicpimi Jesusca: —Dios Quillcachishcapica: ‘Canta Mandac Diosllata “allimari cangui” ningui, paillata servingui’ ninmi— nirca.

SAN LUCAS 9:55

Chashna nicta uyashpa Jesús tigraricushpaca: —Cancunaca ima yuyaihuan rimaricushcatapish mana yachanguichicchu.

1 CORINTIOS 5:5

Shina cacpica, chai huacllirishca runataca paipac aicha llaquichishca cachun, Satanaspac*f** maquipi churaichic. Apunchic Jesús cutimui punzhapi chai runapac espirituta quishpichichunmi, chashnaca ruhuana canguichic.

FILIPENSES 3:19

Chashna causaccunaca tucuri punzhapimi llaquipi chingaringapac ringacuna. Paicuna munashca shina micunallatacmi, Diostapish yalli munancuna. Paicunaca pingaipacta ruhuashpapish, mana pingancunachu. Ashtahuanpish chaillahuantacmi “allimi canchic” nirincuna. Paicunaca cai pacha causaipacllami ashtahuan munancuna.

1 TIMOTEO 5:20

Shina cacpipish juchata ruhuashpa c'aticpica, tucui tandanacushca criccunapac ñaupapimi rimana cangui. Chashna ruhuacpimi, tucui mashna manchangacuna.

TITO 1:13

Chashna nishpaca, cashcatatacmi nirca. Chaimantami chai pandachiccunataca Diosmanta yachachishcallata criccuna cachunca, sinchita rimana cangui.

1 PEDRO 4:1

Shina cashcamantaca, Cristo ima shinami ñucanchic juchacunamanta paipac cuerpopi llaquita aparca, chai shinallatac cancunapish llaquita apanalla caichic. Maijanpish cuerpopi llaquita apacca, jucha mandashca causanatami saquin.

1 JUAN 2:15

Cai pachatapish, cai pachapi ima tiyashcacunatapish ama c'uyaichicchu. Maijanpish cai pachapaclla caccunata c'uyacca, Taita Diostaca mana c'uyanchu.

APOCALIPSIS 3:19

Ñucaca tucui c'uyashcacunatami rimanipish, llaquichinipish. Chaimanta cancuna juchayuc cashcamanta llaquirishpa Diosman cutirishpa, shuc shungulla caichic.