MARCOS 8:23 - Nuevo Testamento en Quichua Cañar 1996

²³ Shina nicpimi, Jesusca chai ñahui mana ricuc runataca maquimanta aisashpa, pueblomanta llucshishpa pusharca. Shina pushashpami, chai runapac ishcai ñahuipi t'ucata churarca. Shinallatac maquita paipac uma jahuapi churashpaca: —¿Ñachu imallatapish ricungui?— nishpa tapurca.

Dios Rimashcata Quillcashcami

²³ Chaimantami Jesusca chai ñahui mana ricuc runata maquimanta aisashpa, pueblomanta caruman pusharca. Chai runapac ishcai ñahuipi tucata churashpa, maquita paipac uma jahuapi churashpaca: —¿Ñachu imallatapish ricungui?— nirca.

MARCOS 8:23 ပူးပေါင်းရင်းမြစ်များ

MARCOS 5:23

Shina cungurishpami: —Ñuca ushimi ña huañugricun. Shina huañugricucpipish, can rishpa, ñuca ushi ama huañuchun paipac uma jahuapi maquita churacpica, alliyashpa causangallami— nishpa, Jesusman mailla mañarca.

MARCOS 7:33

Chashna mañacpimi, Jesusca chaipi cac gentecunamanta chai runallata ashata caruyachishpa, paipac c'allupi t'ucata churashpa, ishcai rinricunapi dedocunata satirca.

MARCOS 8:24

Chashna nicpi, chai ñahui mana ricuc runa ña ricui callarishpaca: —Gentecunaca sacha yuracunaman ricchami ricurin. Shina cashpapish puricuncunami— nirca.

MARCOS 8:26

Chashna alliyachishpami Jesusca: —Cai puebloman ama yaicushpa, pimanpish ama huillashpa cambac huasiman rilla— nishpa cacharca.

HECHOS 23:19

Chashna nicpi, chai mandacca huambrata maquimanta chainicman aisashpami: —¿Imatatac huillasha ningui?— nishpa, paillata tapurca.

HECHOS 9:8

Pambamanta Saulo jatarishpa, ñahuita pascashpa ricusha nishpapish, imata mana ricui pudircachu. Chaimantami paihuan caccunaca maquimanta aisashpa, Damascoman pusharcacuna.

HEBREOS 8:9

Cai ari ninacuica, mana paicunapac ñaupa taitacunahuan ari ninacushca shinachu canga. Paicunataca ñuca maquihuanmi, Egipto llactamanta llucchircani. Shina cashpapish chai ari ninacushcata mana pactachishcamantaca saquircanillami.

APOCALIPSIS 3:18

Chaimantami ñucaca: ‘Ninapi rupachishca curita ñucamanta randishpa chayucyaichic’ nini. Shinallatac: ‘Cancuna lluchulla pingailla cashcata ama pi ricuchun, yuraclla churanata randishpa churarichic’ ninimi. ‘Ñahui alli ricuchunpish, jambita randishpa churarichic’ ninimi.