MARCOS 7:4 - Nuevo Testamento en Quichua Cañar 1996

⁴ Chashnallatac micunata randishpa cutimushpapish, maquita mana jahuashpaca, mana micuccunachu carca. Shinallatac shuctac yachachishcacunatapish pactachiccunami carca. Shina cashpami vasocunatapish, jarrocunatapish, platocunatapish jahuaccuna, shinallatac camacunatapish tacshaccuna carca).

Dios Rimashcata Quillcashcami

⁴ Plazamanta cutimushpapish, maquita mana jahuashpaca, mana micucchu carca. Shinallatac shuctac yachachishcacunatapish pactachiccunami carca. Chaimantami vasocunatapish, jarrocunatapish, platocunatapish jahuac, shinallatac camacunatapish tacshac carca).

MARCOS 7:4 ပူးပေါင်းရင်းမြစ်များ

SAN MATEO 23:25

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunaca vasota, platota jahuallata jahuaccunami canguichic. Shina cashpami, ucutaca shuhuana yuyai, charicyana yuyai junda canguichic.

SAN MATEO 23:26

Ñahui mana ricuc fariseocunalla, ¡vasotapish, platotapish ucutarac jahuaichic! Shina ruhuacpimi, jahuapish chuya saquiringa.

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta apac cachashpa, maquita jahuashpa: —Cai runa huañushcaca cancuna jahuami canga, ashtahuanpish mana ñuca jahuaca— nirca.

MARCOS 7:8

Chashna ruhuashpami, cancunaca Taita Dios mandashcacunata saquishpa, runacuna yachachishcallata c'aticunguichic— nirca.

SAN JUAN 2:6

Chaipica, rumimanta ruhuashca sucta tinajacunami tiyarca. Chai tinajacunaca, israelcuna*f** Taita Diospac ñaupapi alli ricuringapac armarina yacuta churanami carca. Chai tinajacunaca ishcai puñu yalli yacutami apac carca.

SAN JUAN 3:25

Chaipimi Juanta c'aticcunapuramanta maijancunaca, Israelmanta*f** shuc runahuan Diospac ñaupapi alli ricuringapac armarina*f** jahua rimanacurcacuna.

HEBREOS 9:10

Shina cacpica micunapish, ubianapish, Diospac ñaupapi alli ricuringapac maillarinapish, jahualla imata ruhuana cashcata ricuchicllami. Chaicunaca Dios shuc layata ruhuangacamanllami alli carca.

SANTIAGO 4:8

Taita Diosman cuchuyaichic, paipish cancunapacman cuchuyangallami. Mana allita ruhuashpa juchalliccunaca, maquita jahuac shina chaita ruhuanata saquichic. Taita Diostapish, cai pachapaclla caccunatapish c'uyasha niccunaca, shunguta allichichic.

1 JUAN 1:7

Ashtahuanpish Taita Dios achic luzpi cac shinallatac ñucanchicpish achicpi causacushpaca, shuc shinallami caishuc chaishuchuan canchic, shinallatac paipac Churi Jesucristopac yahuarca tucui juchacunatami p'ichan.