MARCOS 7:36 - Nuevo Testamento en Quichua Cañar 1996

³⁶ Chashna alliyachishpaca Jesusca: —Pacta piman huillanguichicman— nishpami, gentecunataca cutin cutin nirca. Chashna nishcapish, paicunaca ashtahuanmi pimanpish parlashpa purircacuna.

Dios Rimashcata Quillcashcami

³⁶ Ña alliyachishpaca, Jesusca piman ama huillachunmi cutin cutin rimashpa mandarca. Chashna nicpipish, ashtahuanmi pimanpish parlashpa purirca.

MARCOS 7:36 ပူးပေါင်းရင်းမြစ်များ

SAN MATEO 8:4

Chashna alliyachishpaca, Jesusca: —Riqui, pi canta alliyachishcataca, pacta piman huillanguiman. Cunanca ri, Israel*f** curaman ricuchigri. Can alliyashcata paicuna ricuchunca, Diosman cuna cashcata Moisés mandashca shinallatac cugringui— nirca.

MARCOS 3:12

Chashna caparicpimi, Jesusca paimanta ama huillachun nishpa, sinchita rimashpa jarcarca.

MARCOS 5:43

Jesusca: —Paita causachishcataca, pacta piman huillanguichicman— nishpami mandarca. Chai q'uipaca: —Cai huambraman micunata caraichic— nircami.

MARCOS 7:35

Chashna nicpica, chai runapac rinricunaca alliyashpa pascarircallami. Huatarishca c'allupish alli tucucpi, ña alli rimarcallami.

MARCOS 7:37

Chashna parlacpica, tucui mashna munai mancharishpami: “Paica tucuitami allita ruhuan. Rinri mana uyaccunatapish uyachin, shimi mana rimaccunatapish rimachinmi” nircacuna.

MARCOS 8:26

Chashna alliyachishpami Jesusca: —Cai puebloman ama yaicushpa, pimanpish ama huillashpa cambac huasiman rilla— nishpa cacharca.

MARCOS 9:9

Chai urcumanta urai cutimushpaca, Jesusca chai quimsa yachacuccunataca: —Cancuna cunan ricushcataca, pacta piman huillanguichicman. Huañushcacunapuramanta Runa Tucungapac shamushca*f** ñuca causarishca q'uipaca, huillanguichiclla— nirca.