MARCOS 6:41 - Nuevo Testamento en Quichua Cañar 1996

⁴¹ Chai q'uipami Jesusca pichca tandata, ishcai pescadota japirca. Shina japishpami, jahua pachata huichailla ricushpa, Taita Diosta pagui nishpa mañarca. Chai pichca tandata, ishcai pescadotaca chaupishpa chaupishpami, gentecunaman carachun paipac yachacuccunaman curca.

Dios Rimashcata Quillcashcami

⁴¹ Chai quipami Jesusca pichca tandata, ishcai challuata japishpa, jahua pachata huichailla ricushpa, Diosta pagui nirca. Shinami pichca tandata, ishcai challuata chaupishpa chaupishpa, gentecunaman carachun paipac yachacuccunaman curca.

MARCOS 6:41 ပူးပေါင်းရင်းမြစ်များ

SAN MATEO 14:19

gentecunata q'uihua pamballapi tiyarichun mandarca. Shina mandashpami, chai pichca tandata, ishcai pescadota japishpa, huichailla ricushpa, Taita Diosta pagui nishpaca, tandata chaupishpa chaupishpa, paipac yachacuccunaman curca. Paicunaca gentecunamanmi cararcacuna.

SAN MATEO 15:36

Shina nishpami canchis tandata, asha pescadota japishpa, Taita Diosta pagui nirca. Chai q'uipaca chaupishpa chaupishpami, paipac yachacuccunamanca curca. Paicunaca gentecunamanmi cararcacuna.

SAN MATEO 26:26

Chashna micucushpami, Jesusca tandata japishpa Taita Diosta pagui nishpa chaupishpa, chaupishpa yachacuccunaman cushpa: —Japichic, micuichic. Caica ñuca aichami— nirca.

MARCOS 14:22

Chashna micucushpami, Jesusca tandata japishpa, Taita Diosta pagui nishpa mañarca. Chai tandata chaupishpa chaupishpa, paipac yachacuccunaman cushpaca: —Japichic, caica ñuca aichami— nirca.

MARCOS 6:40

Chashna mandacpimi, tucui chaipi caccunaca maipica pasac, maipica pichca chunga tiyarircacuna.

MARCOS 6:42

Shina caracpimi, gentecunaca mana nicta micurcacuna.

MARCOS 7:34

Chashna ruhuashpami, Jesusca jahua pachata huichailla ricushpa, shungupi llaquirishpa: —¡Efata!— nirca. “Efata” nishpaca: “Pascari” nisha ninmi.

MARCOS 8:19

Pichca tandata pichca huaranga runacunaman ñuca caracpica, chai mana micui pudishpa puchuchishcataca, ¿mashna taza jundatatac tandarcanguichic?— nirca. Chashna tapucpica: —Chunga ishcai tazata— nirca. Shinallatac Jesusca:

SAN LUCAS 24:30

Paicunahuan micungapac tiyacushpaca, tandata japishpa Taita Diosta pagui nishpa, chaupishpa chaupishpami paicunaman curca.

SAN LUCAS 9:16

Chai q'uipami Jesusca chai pichca tandatapish, ishcai pescadotapish japishpa, jahua pachata huichailla ricushpa, Taita Diosman pagui nishpa mañarca. Chai pichca tandata, shinallatac ishcai pescadota chaupishpa chaupishpami, gentecunaman carachun paipac yachacuccunaman curca.

SAN JUAN 11:41

Jesús shina nicpica, huañushca maipi cac jarcashca rumita cutichircacunami. Chai q'uipami, Jesusca jahua pachata huichailla ricushpaca: —Taitalla, ñuca mañashcata uyashcamantaca pagui ninimi.

SAN JUAN 17:1

Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 6:11

Jesusca chai tandata japishpa, Taita Diosta pagui nishpaca, yachacuccunamanmi chaipi caccunaman carachun curca. Pescadota japishpapish, chashnallatacmi ruhuarca. Chashna ruhuacpica, mana nictami micurcacuna.

SAN JUAN 6:23

Chashnacpica, Tiberias pueblomanta canoacuna shamushpaca, chai yacu patamanmi chayarca. Chai cuchullapimi Jesusca Taita Diosta pagui nishpa, tandata carashca carca.

HECHOS 27:35

Chashna nishpa Pabloca tandata japishpami, tucui chaipi caccunapac ñaupapi Taita Diosta pagui nishpa, tandata chaupishpa micui callarirca.

ROMANOS 14:6

Maijanpish shuc punzhata Taita Diospac cachun ch'icanyachishpaca, Apunchic Jesusta alli ningapacmi ch'icanyachin. Maijanpish tucuita micucca, Apunchic Jesusta alli ningapacmi Diosta pagui nishpa micun. Shinallatac mana tucuita micucpish, Apunchic Jesusta alli ningapacllatacmi Diosta pagui nishpa, mana tucuita micun.

1 CORINTIOS 10:31

Chaimanta imata micushpapish, imata ubiashpapish, shinallatac imata ruhuashpapish, Dios alli nishca cachunmi ruhuana canguichic.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Taita Diostaca pagui nina canguichic.