MARCOS 6:30 - Nuevo Testamento en Quichua Cañar 1996

³⁰ Chai q'uipami, Jesús huillachun cachashca alli huillaita huillaccuna cutimushpaca, yachachishcatapish, tucui imalla ruhuashcatapish Jesusman parlarcacuna.

Dios Rimashcata Quillcashcami

³⁰ Jesús huillachun cachashcacuna cutimushpaca, yachachishcatapish, imata ruhuashcatapish Jesusman tucuimi parlarca.

MARCOS 6:30 ပူးပေါင်းရင်းမြစ်များ

SAN MATEO 10:2

Jesusmanta huillachun acllashca chunga ishcaicunaca caicunami: Pedro nishca Simón, paipac huauqui Andrés, shinallatac Zebedeopac churicuna huauquindicpura Jacobopish, Juanpish carcami.

MARCOS 3:14

Jesusca chai chunga ishcaicunataca paihuan purichun, shinallatac alli huillaita huillachun cachangapacpish acllarcami. Paicunataca: “Ñucamanta huillangapac acllashcacunami canguichic” nishpami c'ayarca.

MARCOS 6:29

Juanta huañuchishcata yachashpami, paipac yachacuccuna shamushpaca, cuerpota enterrangapac apashpa rircacuna.

SAN LUCAS 10:17

Chai q'uipami, Jesús cachashca canchis chungacuna cushicuihuan cutimushpaca: —Apunchic Jesús, ñucanchic cambac shutita nicpica, supaicunapish manchashpa llucshinllami— nircacuna.

SAN LUCAS 17:5

Paimanta huillachun Apunchic Jesús acllashcacunaca: —Ñucanchicman ashtahuan crina yuyaita cuiyari— nircacuna.

SAN LUCAS 22:14

Ña micuna horas chayamucpica, Jesusca paipac yachacuccunandicmi mizapi micungapac tiyarirca.

SAN LUCAS 24:10

Jesús acllashca huillaccunaman huillagriccunaca, Magdala pueblomanta Mariapish, Juanapish, Jacobopac mama Mariapish, shinallatac shuc huarmicunapish carcacunami.

SAN LUCAS 6:13

Ña punzhayamucpimi, paipac yachacuccunata c'ayashpa, chunga ishcaicunata acllarca. Chai acllashcacunatami Jesusca: “Ñucamanta huillangapac acllashcacunami canguichic” nirca.

SAN LUCAS 9:10

Jesús cachashca huillaccuna cutimushpaca, tucui imalla ruhuashcatami paimanca parlarcacuna. Chai q'uipami Jesusca paicunallahuan Betsaida pueblo cuchullaman rirca.

HECHOS 1:26

Chashna mañashpa suerteta ruhuacpica, Matiasmanmi urmarca. Chaimantami Matiasca Jesús acllashca chunga shuc huillaccunahuan tandanacurca.