MARCOS 5:16 - Nuevo Testamento en Quichua Cañar 1996

¹⁶ Supai japishca runa alli tucushcatapish, cuchicuna ima tucushcatapish ricuccunaca, chai shamuc gentecunamanca tucuimi parlarcacuna.

Dios Rimashcata Quillcashcami

¹⁶ Chaita ricuccunaca supai japishca runa alli tucushcatapish, cuchicuna ima tucushcatapishmi paicunaman parlarca.

MARCOS 5:16 ပူးပေါင်းရင်းမြစ်များ

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

SAN MATEO 9:32

Ña chai alliyashca runacuna llucshishpa ricpica, supai japishcamanta mana rimaric shuc runatami Jesuspacman apamurcacuna.

MARCOS 5:15

Jesuspacman chayamushpaca, achca supaicuna japishca runa alli tucushca tiyacuctami ricurcacuna. Chai runaca churanatapish alli churarishca, alli yuyaipimi tiyacurca. Chaita ricushpami, gentecunaca mancharircacuna.

MARCOS 5:18

Jesusca ña ringapac canoapi tiyaricpimi, supaicunata llucchishca runaca: —Ñucatapish pushashpa riyari— nishpa, mailla mañarca.