MARCOS 4:36 - Nuevo Testamento en Quichua Cañar 1996

³⁶ Jesús shina nicpimi, paipac yachacuccunaca tucui gentecunata “caya minchacaman” nishpa, Jesús tiyacushca canoallapitac tiyarishpa rircacuna. Shinallatac maijancunaca shuc canoacunapi tiyarishpami, Jesusta c'atishpa rircacuna.

Dios Rimashcata Quillcashcami

³⁶ Gentecunata cachashca quipami Jesusta canoapi tiyachishpa pusharca. Maijancunaca shuctac canoapimi Jesusta catishpa rirca.

MARCOS 4:36 ပူးပေါင်းရင်းမြစ်များ

SAN MATEO 8:23

Jesusca paipac yachacuccunandic canoapi tiyarishpami, yacu cuchata chimbacurca.

MARCOS 3:9

Chashna shamucpica, gentecuna ama ñitimuchun nishpami: —Shuc canoata utca apamushpa charicuichic— nishpa, Jesusca paipac yachacuccunataca mandarca.

MARCOS 4:1

Jesusca jatun cucha patapimi cutin yachachi callarirca. Chaimanmi achca gentecuna tandanacurcacuna. Shina tandanacumucpimi, yacupi cac canoapi yaicushpa, Jesusca tiyarirca. Chai tucui gentecunaca yacu patapimi saquirircacuna.

MARCOS 4:37

Ña ricucpica, ima mundo huaira cungailla jatarishpami, yacuta caiman chaiman cuyuchi callarirca. Chashna cuyuchicpimi, canoapi yacuca jundai callarirca.

MARCOS 5:2

Canoamanta Jesús llucshincami, supai japishca runaca panteonmanta shamushpa, Jesustaca tupagrirca.

MARCOS 5:21

Jesusca canoapi tiyarishpa, cutinllatacmi chai yacuta chimbashpa rirca. Ña chimbapi chayashpaca, Jesús cucha patapi cacpimi, achca gentecuna paipacman tandanacumurcacuna.

MARCOS 6:32

Shina nishpami, paicunalla canoapi tiyarishpa cuchata chimbashpa, pi mana causana pambaman rircacuna.

SAN LUCAS 8:22

Shuc punzhami Jesusca paipac yachacuccunahuan canoapi tiyarishpaca: —Cai jatun cucha yacuta chimbashun— nirca.