MARCOS 4:20 - Nuevo Testamento en Quichua Cañar 1996

²⁰ Ashtahuanpish maijan gentecunaca, alli allpapi tarpushca muyu shinami tucun. Paicunaca quishpirinamanta alli huillaita uyashpaca, shungupimi huacaichincuna. Shina cashpami maijancunaca shuclla muyumanta quimsa chungata p'ucuc shina, maijancunaca sucta chungata p'ucuc shina, maijancunaca pasac granota p'ucuc shina mirachincuna— nirca.

Dios Rimashcata Quillcashcami

²⁰ Alli allpapi tarpushca muyu shinaca, alli huillaita shungupi chasquiccunami. Chaimantami shuc muyumanta quimsa chungata, maijancunaca sucta chungata, maijancunaca patsac granota pucuc shina tucuncuna— nirca.

MARCOS 4:20 ပူးပေါင်းရင်းမြစ်များ

SAN MATEO 13:23

Alli allpapi urmashca muyu shinaca, Dios rimashca shimita uyashpa alli entendiccunami. Chaicunaca alli p'ucushpa maijanca shucmanta quimsa chungata, maijanca sucta chungata, maijanca pasacta p'ucuc shinami ricurincuna— nirca.

SAN MATEO 13:8

Ashtahuanpish maijan muyuca alli allpapimi urmarca. Chaimantami alli p'ucushpa maijanca shucmanta pasacta, maijanca sucta chungata, maijanca quimsa chungata p'ucurca.

MARCOS 4:8

Ashtahuanpish maijan muyuca alli allpapimi urmarca. Chaimantami alli huiñashpa, maijanca shucmanta quimsa chungata, maijanca sucta chungata, maijanca pasac granota p'ucurca” nirca.

SAN LUCAS 8:15

Ashtahuanpish alli allpapi urmashca muyu shinaca, Dios rimashca shimita tucui shunguhuan uyashpa, alli cazushpa mana cungariccunami. Chashna c'atishpami, alli p'ucuc shina ricurincuna.

SAN JUAN 15:16

Cancunallatacca ñucataca mana acllarcanguichicchu, ashtahuanpish ñucami cancunataca acllarcani. Cancuna rishpaca, alli granota p'ucuc yura shina causaita ricuchichunpish, chai p'ucushcacuna ama chingarichunpish minganimi. Shina ruhuashpa, cancuna ñuca shutipi imata mañacpica, ñuca Taitaca cungallami.

SAN JUAN 15:2

Ñucapi cac ramacuna mana p'ucucpica, tucui p'itishpami shitanga. Cutin alli p'ucuctaca ashtahuan alli p'ucuchunmi, mana allicunata anchuchishpa saquinga.

ROMANOS 7:4

C'uyashca criccuna, chai shinallatacmi Cristo huañushcamantaca mandashcacunata ama ruhuangapac Cristohuan pacta huañushca shina canguichic. Cunanca Taita Diospacta allita ruhuangapacmi, huañushcacunapuramanta causaric Jesucristopaclla canguichic.

FILIPENSES 1:11

Cancuna Jesucristollamanta alli grano p'ucuc shina allita ruhuacpimi, Taita Diostaca “allimari cangui, sumacmari cangui” ningacuna.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

1 TESALONICENSES 4:1

C'uyashca criccuna, ima shinami ñucanchicmanta Taita Dios munashca shina causanata yachacushpa ña causacunguichic, chashnallatac punzhanta Taita Dios munashca shina causachun mañashpami, Apunchic Jesuspac shutipi cancunamanca minganchic.

2 PEDRO 1:8

Cancuna tucui cai yuyaicunata charishpa, punzhanta ruhuashpa causacpica, cancunapac causaipish grano p'ucuc shinami alli canga, shinallatac Apunchic Jesusta crishcapish mana yangallachu canga.