MARCOS 3:22 - Nuevo Testamento en Quichua Cañar 1996

²² Cutin Jerusalén pueblomanta mandashcacunata yachachiccunapish shamushpaca: —Cai runaca supaicunata mandac Beelzebuhuan*f** cashpami, supaicunataca llucchishpa cachanlla— nircacuna.

Dios Rimashcata Quillcashcami

²² Jerusalén pueblomanta mandashcacunata yachachiccuna shamushpaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircami.

MARCOS 3:22 ပူးပေါင်းရင်းမြစ်များ

SAN MATEO 10:25

Yachacuc ña yachachic shina tucushpaca, cushillami canman. Shinallatac shuc servicpish amo shina tucushpaca, cushillami canman. Huasipi taita shina pushac ñucatapish, ‘supaicunata mandac Beelzebumi*f** cangui’ nicushpaca, chai huasipi causac huahua shina cac cancunatacarin, ¡imatachari ningacuna!

SAN MATEO 11:18

Chashnallatac vinotapish mana ubiac, micunatapish mana micuc Juan shamucpica: ‘Paica supaihuanmi’ ninguichicmi.

SAN MATEO 12:24

Chaita uyashpami fariseocunaca:*f** “Cai runaca supaicunata mandac Beelzebuhuan*f** cashpami, supaicunataca llucchishpa cachanlla” nircacuna.

SAN MATEO 15:1

Chai q'uipami maijan fariseocunapish,*f** mandashcacunata yachachiccunapish Jerusalén pueblomanta shamushpa, Jesuspacman cuchuyashpaca:

SAN MATEO 9:34

Ashtahuanpish fariseocunaca:*f** “Cai runaca supaicunata mandac diablohuan cashpami, supaicunataca llucchishpa cachanlla” nishpa rimarcacuna.

MARCOS 7:1

Chai q'uipami fariseocunapish,*f** mandashcacunata maijan yachachiccunapish Jesuspacman tandanacumurcacuna. Chai yachachiccunaca Jerusalén pueblomantami shamushca carcacuna.

SAN LUCAS 11:15

Chashna ruhuacta ricushpami maijancunaca: —Cai runaca supaicunata mandac Beelzebuhuan*f** cashpami, supaicunataca llucchishpa cachanlla— ninacurcacuna.

SAN LUCAS 5:17

Jesús shuc punzha yachachicucpimi, fariseocunapish,*f** mandashcacunata yachachiccunapish chaipi tiyacurcacuna. Chaicunaca Galilea llactamantapish, Judea llactamantapish, Jerusalén pueblomantapishmi shamurcacuna. Taita Dios paihuan cashcamantami, Jesusca ungushcacunataca alliyachirca.

SAN JUAN 10:22

Chai punzhacunaca Taita Diosman mañana huasita paiman mingashcata yuyarishpami, israelcunaca*f** fiestata Jerusalenpi ruhuacurcacuna. Chai punzhacunaca tamia quillacunami carca.

SAN JUAN 7:20

Shina nicpi gentecunaca: —¡Supai japishcami cangui! ¿Pitac cantaca huañuchisha nicun?— nircacuna.

SAN JUAN 8:48

Chaimantami mandac israelcuna*f** Jesustaca: —‘Canca Samaria llactamantami cangui, shinallatac supaihuanmi cangui’ nishpaca, allillatacmi nishcanchic— nircacuna.

SAN JUAN 8:52

Shina nicpi, mandac israelcunaca: —Cunancarin supaihuan cashcata yachanchictacmi. Taita Abrahampish, Diosmanta ñaupa huillaccunapish huañurcami. Shina cacpica, ¿ima shinatac cutin canca ‘maijanpish ñuca nishcata cazuccunaca mana huañungachu’ ninguiyari?