MARCOS 3:20 - Nuevo Testamento en Quichua Cañar 1996

²⁰ Chai huasiman achca gentecuna cutin tandanacumucpimi, Jesusca paipac yachacuccunandic micunallatapish mana pudircacuna.

Dios Rimashcata Quillcashcami

²⁰ Chaimantaca huasimanmi cutimurca. Cutinllatac huasipi achca gentecuna jundaricpimi, micunallatapish mana pudircacuna.

MARCOS 3:20 ပူးပေါင်းရင်းမြစ်များ

MARCOS 1:45

Ashtahuanpish chai runaca, ima shina alliyashcataca tucui gentecunamanmi parlarca. Chaimantami Jesusca mai pueblomanpish gentecuna ricucucpica mana yaicui pudishpa, maipi mana gente tiyaillapi puricurca. Jesús chaipi cacpipish, maimanta cashpapish paipacmanca shamurcacunallami.

MARCOS 2:1

Asha punzhacuna q'uipami, Jesusca cutinllatac Capernaum pueblopi cac shuc huasiman yaicurca. Jesús chai huasipi cacta yachashpami,

MARCOS 3:19

Shinallatac Judas Iscariote runatapish acllarcami. Q'uipamanca, paimi Jesustaca huañuchiccunaman japichirca. Shina acllashca q'uipami, Jesusca paipac yachacuccunandic huasiman cutimurcacuna.

MARCOS 3:7

Jesusca paipac yachacuccunahuanmi jatun cucha pataman rirca. Chaimanca Galilea llactamanta achca gentecunami paitaca c'atishpa rircacuna.

MARCOS 3:9

Chashna shamucpica, gentecuna ama ñitimuchun nishpami: —Shuc canoata utca apamushpa charicuichic— nishpa, Jesusca paipac yachacuccunataca mandarca.

MARCOS 6:31

Jesús chaipi cacpimi, achca gentecuna rin, cutin puricurcacuna. Chaimantami ima shina micunallatapish mana pudishpa, Jesusca paipac yachacuccunallata: —Jacuchic, ñucanchiclla pi mana ricuipacpi samarishun— nirca.

MARCOS 7:17

Chai tucui gentecunata saquishpa, Jesús huasiman yaicucpica, paipac yachacuccunaca: — Can ñacalla parlacushca ima nisha nishcataca, ¿manachu alli yachachinguiman?— nishpa tapurcacuna.

MARCOS 9:28

Chai q'uipami Jesusca shuc huasiman yaicurca. Chaipimi paipac yachacuccunaca: —¿Ima nishpatac ñucanchicca chai supaitaca mana llucchishpa cachai pudircanchic?— nishpa, paillaman tapurcacuna.

SAN LUCAS 6:17

Jesusca paipac yachacuccunahuan chai urcumanta shamushpaca, shuc pambamanmi chayamurca. Chai pambamanmi paipac yachacuccunapish, shinallatac Judea llactamantapish, Jerusalén pueblomantapish, mama cucha cuchulla Tiro llactamantapish, Sidón llactamantapish achca gentecuna Jesús yachachishcata uyangapac, shinallatac ung:uicunamanta alliyana munaihuanpish shamushca carcacuna.